სოფელი, სადაც ავტომობილი არ ივლის
კეიპ-ტაუნში მალე მდიდრული ეკოლოგიურად სუფთა სოფელი გაშენდება, სადაც ავტომობილები არ იქნება.
პროექტი, რომელიც აფრიკის კონტინენტზე პირველი იქნება, არქიტექტურულმა კომპანია Swisatec-მა მოამზადა.
900 მილიონ დოლარიანი პროექტი სომერსეტ-უესტში მდებარე Blue Rock Resort-ში ამოქმედდება, სადაც უკვე განთავსებულია პოპულარული ღვინის საწარმოები და ვენახები.
პროექტის ფარგლებში იგეგმება 1 000 საცხოვრებელი სახლის, სამედიცინო ცენტრების, სპა-სალონების, მაღაზიების, სკოლების და რესტორნების აშენება.
ავტომობილების რაოდენობა შეიზღუდება მთავარ გზაზეც. პროექტის ფარგლებში, ეკოსოფელში პრიორიტეტი იქნება ელექტროენერგიის დაზოგვა - როგორც ენერგიის განახლებადი წყაროების, ასევე დიოდური ნათურების და წყლის რესურსების მართვის სისტემის გამოყენებით.
