ჩვენს საუკუნეში ენერგიის ალტერნატიული წყაროები სულ უფრო პოპულარული ხდება. ინოვაციური ტექნოლოგიების დანერგვის მხრივ სანიმუშო ქალაქად შეგვიძლია სევილია - სამხრეთ ესპანეთის ფინანსური და კულტურული ცენტრი დავასახელოთ.

აქ მსოფლიოში პირველად, კომერციული მზის ელექტროსადგური აიგო.

ტერიტორია, სადაც მზის ელექტროსადგურია განლაგებული, ნამდვილ სარკისმიღმა ქვეყანას გვაგონებს. ცენტრში დგას ორი გიგანტური კოშკი PS10 და PS20, რომელთა სიმაღლე 40 სართულიანი შენობების სიმაღლეს უდრის.

PS10 კოშკის გარშემო 624 ცალი ჰელიოსტატია - უზარმაზარი სარკეები, რომლებიც მზის სხივების კვალდაკვალ მოძრაობს და სხივების ენერგიას კოშკის მიმართულებით ირეკლავს, ხოლო იქ არსებული ორთქლის ტურბინები მზის სხივების ენერგიას, ელექტროენერგიად გარდაქმნის.

კოშკი PS20 კიდევ უფრო მძლავრია - მის გარშემო 1255 სარკეა. სავარაუდოდ დათვლილია, რომ 25 წლის განმავლობაში კოშკების მუშაობა ატმოსფეროში ნახშირორჟანგის გამოყოფას,  ყოველწლიურად, 600 ათას ტონით შეამცირებს.

სევილიას მახლობლად ქალაქ ფუენტეს-დე-ანდალუსიაში აგებული პირველი კომერციული და არა ექსპერიმენტული ელექტროსადგური მთელი სიმძლავრით მუშაობს. ეს სიმძლავრე კი ცოტა არ არის - დაახლოებით 19,9 მეგავატი.

ერთ წელიწადში სადგური 110 გიგავატ/საათ ენერგიას გამოიმუშავებს. ენერგიის ასეთი რაოდენობა საკმარისია 25 000 სახლის უზრუნველსაყოფად (საინტერესოა, რომ ფუენტეს-დე-ანდალუსიაში სახლების რაოდენობა მხოლოდ ცოტათია მეტი).

ყველაზე მთავარი ის არის, რომ სადგურ Gemasolar-ს შეუძლია იმუშაოს არა მხოლოდ მზიან, არამედ ღრუბლიან ამინდშიც.

მზის ელექტროსადგურის გენერატორები ღამეც არ ჩერდება და ხალხს ელექტროდენით ამარაგებს.

ეს ორიგინალური ტექნიკური გადაწყვეტის საშუალებით ხდება, რის შედეგადაც ელექტროსადგური პრაქტიკულად აღარ არის დამოკიდებულ მოცემულ მომენტში ცაზე მზის არსებობაზე.

დუდანა ზაქარაია

ქარის ელექტროსადგურის მშენებლობა გორთან წლის ბოლომდე დასრულდება

რა იქნებოდა ჰაერის ელექტროენერგიად გარდაქმნა რომ შეიძლებოდეს?

საქართველოში მზის ელექტროსადგურის აშენება იგეგმება