ქართველი ახალგაზრდები ყოველთვიურად ყველაზე მეტ თანხას 189,5 ლარის ოდენობით, სესხებსა და საკრედიტო ბარათებში ხარჯავენ, - აღნიშნული კვლევა ფრიდრიხ ებერტის ფონდის დაკვეთით "ეისითიმ" ჩაატარა.

მეორე ადგილზე მოგზაურობაა, რომელშიც, ახალგაზრდები, ყოველთვიურად 110,6 ლარს ხარჯავენ, ფეხსაცმელსა და ტანსაცმელში კი 80,3 ლარს.

ახალგაზრდები სიგარეტში, თითქმის იმავე თანხას, 80,2 ლარს, ხარჯავენ რამდენსაც ტანსაცმელსა და ფეხსაცმელში.

მათი ფინანსური გასავალი გართობასა და კულტურულ ღონისძიებებში 60,6 ლარია. ტრანსპორტში, ისინი ყოველთვიურად 55,4 ლარს, ხოლო სახლის გარეთ კვებაში 42 ლარს იხდიან.

ყოველთვიურად, წიგნებისა და ნებისმიერი სხვა ბეჭდური მასალის შეძენა, მათ 26,7 ლარი უჯდებათ, მობილური ტელეფონის ბალანსის შევსებაში კი 16,3 ლარი.

ახალგაზრდები, სილამაზის სალონში, ყოველთვიურად 13,7 ლარს ხარჯავენ, ხოლო სხვადასხვა მომსახურებაში ერთად 81,1 ლარს.

აღსანიშნავია, რომ ისინი თავიანთი ბიუჯეტის ყველაზე მცირე ნაწილს, მობილურის ბალანსში, წიგნების შესაძენად და სილამაზის სალონში ხარჯავენ.