"სახელმწიფო აუდიტის სამსახური" საჯარო სექტორში, ერთ-ერთი ყველაზე მაღალანაზღაურებადი სტრუქტურაა, რომლის ხელმძღვანელთა შემოსავლებს Allnews.ge გთავაზობთ.

2016 წლის მონაცემების მიხედვით, გენერალური აუდიტორის, ლაშა თორდიას, ყოველთვიური ანაზღაურება, დაახლოებით 5 950 ლარს შეადგენდა, მისმა წლიურმა შემოსავალმა კი 71 400 ლარი შეადგინა.

გენერალური აუდიტორის პირველი მოადგილის, ვანო ზარდიაშვილის, ყოველთვიური ხელფასი, დაახლოებით 5 600 ლარი იყო, აღნიშნულ თანამდებობას კი 6 თვის განმავლობაში იკავებდა. ამ პერიოდში მან ანაზღაურების სახით ჯამში 33 600 ლარი აიღო.

დევი ვეფხვაძემ, გენერალური აუდიტორის მოადგილემ, ანაზღაურების სახით ყოველთვიურად, დაახლოებით, 5 500 ლარი მიიღო. მისმა წლიურმა ხელფასმა 49 500 ლარი, ხოლო პრემიამ 5 500 ლარი შეადგინა.

2016 წლის ბოლოს გენერალური აუდიტორის პირველი მოადგილის თანამდებობა ნინო ლომჯარიამ დაიკავა. მისი ყოველთვიური თანამდებობრივი სარგო, დაახლოებით, 3 466 ლარი იყო. სამი თვის განმავლობაში მან ხელფასის სახით 31 200 ლარი, ხოლო პრემისს სახით 5 600 ლარი აიღო.

ამავე წლის ბოლოს გენ. აუდიტორის მოადგილის თანამდებობა ნოდარ ჯავახიშვილმა დაიკავა, მისმა ყოველთვიურმა ანაზღაურებამ კი 1 250 ლარი შეადგინა. სამი თვის განმავლობაში კი ნოდარ ჯავახიშვილმა 11 250 ლარი აიღო.

აღსანიშნავია, 2016 წელს, მხოლოდ სამი თვის განმავლობაში, "სახელმწიფო აუდიტის სამსახურის" გენრალური აუდიტორის, მისი მოადგილეებისა და დეპარტამენტების უფროსების ხელფასებში, დაახლოებით 2 342 006,50 ლარი, ხოლო დარიცხულ პრემიებში 240 573 ლარიდან 1 100 150 ლარამდე იხარჯებოდა.