ქაშუეთში სადღესასწაულო წირვის დაწყებამდე, სრულიად საქართველოს კათოლიკოს პატრიარქმა ილია მეორემ თავის მოსაყდრედ სენაკისა და ჩხოროწყუს მიტროპოლიტი შიო მუჯირი დაასახელა.

"ბიზნესპრესნიუსი" დაინტერესდა რა ქონებას ფლობს მიტროპილიტი. საჯარო რეესტრის მონაცემებით, შიო მუჯირი 2010 წელს რეგისტრირებული წმინდა ალექსანდრე შუშანიას სახელობის მართლმადიდებლური სკოლა-გიმნაზიის დირექტორია. სკოლა გიმზანია საქართველოს საპატრიარქოს მიერ არის დაფუძნებული. 2015 წელს კი გიმნაზია ბიზნესოპერატორად დარეგისტრირდა და მისი საქმიანობად მითითებულია - ხორცის და ხორცის პროდუქტები, რძის და რძის პროდუქტები, ცხოველური წარმოშობის ნახევარფაბრიკატები, კვერცხი, უალკოჰოლო სასმელები, მინერალური წყალი თუ სხვა პროდუქტები.

ასევე რეესტრის მონაცემებით, მიტროპოლიტი არის სენაკისა და ჩხოროწყუს ეპარქიის განვითარების ფონდის დირექტორი; ფონდი 2010 წელს არის დარეგისტრირებული, თუმცა, რეესტრის ამონაწერში მისი საქმიანობა არ არის მითითებული.

მეუფე შიო პატრიარქის მოსაყდრეობაზე პირველ კომენტარს აკეთებს

ამასთან, რეესტრის მონაცემების თანახმად, მიტროპოლიტმა 2008 წლის ივნისში დაირეგისტრირა საკუთრების უფლება სახელმწიფოს მიერ პრივატიზებულ ქონებაზე, კერძოდ, სენაკში, სოფელ თეკლათში მდებარე 402 000 კვადრატული მეტრი ფართობის სასოფლო-სამეურნეო დანიშნულების მიწაზე. აღნიშნული ქონება იმავე წლის ივლისში მიტროპოლიტმა შიო მუჯირმა საქართველოს სამოციქულო ავტოკეფალურ მართლმადიდებელ ეკლესიას ჩუქების სახით გადასცა.

2015 წლის მაისში მის სახელზეა რეგისტრირებული ნასყიდობის ხელშეკრულება სენაკში მდებარე 596 სასოფლო-სამეურნეო (საკარმიდამო) ნაკვეთზე. ამასთან, 2011 წელს "საქართველოს ფოსტისგან" იჯარით ჰქონდა აღებული, სენაკში რუსთაველის ქუჩაზე N 255-ში მდებარე შენობის 1 სართულზე განთავსებული 17 კვადრატული მეტრი ფართობის არასაცხოვრებელი ფართი. ხელშეკრულების თანახმად, რომელიც 3 წლის ვადით იყო გაფორმებული, მიტროპოლიტს ყოველთვიურად 211 ლარი უნდა გადაეხადა.

გარდა ამისა, რეესტრის მონაცემებით, მიტროპოლიტი შიო მუჯირი მონაწილეობდა ავტოკეფალური ეკლესიისთვის ჩხოროწყუსა და სენაკში მდებარე სხვადასხვა ქონებების ჩუქების თუ შეწირვის სახით გადაცემაში. იხილეთ გაგრძელება