2018 წლის პირველი იანვრიდან საქართველოსა და ჩინეთს შორის თავისუფალი ვაჭრობის შესახებ შეთანხმების ხელშეკრულების რატიფიცირების შემდეგ საქართველოს გაეხსნება 1,4 მილიარდიანი თავისუფალი ვაჭრობის რეჟიმის ბაზარი.

საქართველოს ეკონომიკისა და მდგრადი განვითარების სამინისტროს ინფორმაციით, შეთანხმების ამოქმედებისთანავე პროდუქციის 90%-ზე საიმპორტო ტარიფი არ იმოქმედებს. ამასთან, შეთანხმების ძალაში შესვლიდან 4-წლიანი გარდამავალი პერიოდის გასვლის შემდგომ იმპორტის ტარიფი დამატებით კიდევ 4%-ზე გაუმქდება. ჯამში საქართველოდან ჩინეთში სასაქონლო პოზიციების 94% გადაადგილება ნულოვანი საიმპორტო ტარიფის განაკვეთით მოხდება.

რა ტიპის პროდუქციის ექსპორტი განხორციელდება საქართველოდან ჩინეთში?

ეკონომიკის სამინისტროს განმარტებით, ჩინეთში თავისუფალი ვაჭრობის რეჟიმით, ანუ ნულოვანი საიმპორტო ტარიფით განხორციელდება სხვადასხვა ტიპის ქართული წარმოების პროდუქციის ექსპორტი, კერძოდ, ღვინო, ბრენდები, მინერალური წყალი, უალკოჰოლო სასმელები, ცოცხალი ცხოველები, ღორის და ფრინველის ხორცი კარკასით, თევზი და სხვა ზღვის პროდუქტები, ხილი და ბოსტნეული სრულად, თაფლი, თხილი, შოკოლადის ნაწარმი, ჩაი, ხილ-ბოსტნეულის კონსერვები და წვენები და სხვა.

ამასთან, როგორც Allnews.ge-ს ეკონომიკის სამინისტროდან აცნობეს, 4 წლიანი გარდამავალი პერიოდის გასვლის შემდგომ ნულოვანი საიმპორტო ტარიფი იმოქმედებს ღორის ხორცის დარჩენილი პოზიციებზე, ახალი ან შეყინული საქონლის ხორცზე, ცხვრის ხორცზე, იოგურტზე, ყველი და რძის სხვა პროდუქტებზე, მაკარონის ნაწარმზე, ფოსფოროვანი სასუქებზე ეთერზეთებსა და სხვა პროდუქციაზე.