ბიტკოინით ვაჭრობას ბევრი ეკონომისტი სკეპტიკურად უყურებს და მიაჩნია, რომ მალე კრიპტოვალუტის კრახს ვიხილავთ, თუმცა პრაქტიკა გვიჩვენებს, რომ მასზე მოთხოვნა იზრდება.

NBC-ის ცნობით, მაგალითად, 7 წლის წინ ბიტკოინი პოპულარულობით არ გამოირჩეოდა, ამიტომ მისი ღირებულება დაახლოებით 0,003 ცენტი იყო, 2017 წლის დეკემბრისთვის კი კრიპტოვალუტის ღირებულება 11 000$-მდე გაიზარდა.

როგორც NBC-მ კრიპტოვალუტის ღირებულების მიხედვით დაითვალა, თუ 7 წლის წინ 100$-ის ბიტკოინს შეიძენდით, ახლა თქვენს ანგარიშზე 393 მილიონ დოლარზე მეტი იქნებოდა.

რა არის ბიტკოინი და როდის დამკვიდრდება ელექტრონული ვალუტა საქართველოში

რატომ არის კრიპტოვალუტის მიმოცვლა ასეთი მიმზიდველი?

1. დეცენტრალიზაცია

ბიტკოინი არცერთი ქვეყნის მიერ არ რეგულირდება, ტრანზაქციის შესრულებისას კი ანონიმურობა დაცულია და რთულია, მომხმარებლის კვალი დარჩეს.

2. ინვესტირების შესაძლებლობა

ხალხი, რომელიც ბიტკოინს ყიდულობს, პოლიტიკური პროცესებისგან გამოწვეული ქაოსის საწინააღმდეგოდ ჰეჯირებას (სასწრაფო გარიგება, რომელიც დადებულია ფასის ან მოგების დაზღვევით) ახდენს.

3. იაპონური მხარდაჭერა

იაპონია ბიტკოინის ტექნოლოგიის დიდი მხარდამჭერი გახდა. ხელისუფლებამ გადამყიდველებს უფლება მისცა, რომ ბიტკოინი ლეგალურ მიმოქცევაში მიეღოთ.

როგორ უნდა ჩაერთოთ ბიტკოინით ვაჭრობაში?

როგორც NBC იუწყება, ბიტკოინის ლეგალურად შეძენის 3 გზა არსებობს:

მონეტების ბაზა - ეს არის ბაზა, სადაც ბიტკოინის შეძენა შეგიძლიათ და აშშ-ში არსებულ ბიტკოინის ყველაზე დიდ წყაროს წარმოადგენს.

მისი შეძენა ასევე შეგიძლიათ თქვენი საბროკერო ანგარიშით.

ამასთან, შეგიძლიათ მართოთ ციფრული აქტივების ანგარიში, რომლის მეშვეობითაც ბიტკოინის სხვა ანგარიშებიდან შეძენის საშუალება მოგეცემათ.