ქართული წარმოების ანტიბიოტიკები აფრიკის ქვეყნებში გაიყიდება | Allnews.Ge

მედიკამენტების მწარმოებელი ქართული კომპანია "აბიფარმი" საინექციო ანტიბიოტიკებს აფრიკის ქვეყნებში გაიტანს.

როგორც კომპანიის გენერალურმა დირექტორმა, ირაკლი ჭეიშვილმა Allnews.ge-ს განუცხადა, სუდანში ანტიბიოტიკები ექსპორტზე უკვე გავიდა, აპრილში კი მათი იემენში გატანაც დაიწყება.

"აფრიკის რამდენიმე ქვეყანასთან დაკავშირებით პასუხს ველოდებით. 12-15 ჯგუფის საინექციო ანტიბიოტიკები გაგვაქვს, ისე 20 ჯგუფის ანტიბიოტიკს ვაწარმოებთ. აღნიშნული მედიკამენტების რეალიზაცია საქართველოში არსებულ საჰოსპიტალე სეგმენტშიც ხდება და მგონი, ყველა ძირითად ამბულატორიასა და კლინიკას ჩვენ ვამარაგებთ," - განმარტა ირაკლი ჭანკოტაძემ.

მისივე ინფორმაციით, რამდენიმე წელია ანტიბიოტიკები ერაყში, უზბეკეთსა და სომხეთში ექსპორტზე უკვე გადის.

"აბიფარმი" თავდაპირველად კერძო ინვესტიციებით აშენდა, მოგვიანებით კი პროგრამაში "აწარმოე საქართველოში" ჩაერთო და დაბალპროცენტიანი სესხი აიღო.