2017 წლის IV კვარტალში საშუალო თვიური ხელფასი ბიზნესსექტორში 1241,5 ლარს გაუტოლდა (გასული წლის შესაბამისი პერიოდის მაჩვენებელთან შედარებით გაზრდილია 111,1 ლარით), მათ შორის ქალების ხელფასმა შეადგინა - 909,3 ლარი (გასული წლის შესაბამისი პერიოდის მაჩვენებელთან შედარებით გაიზარდა 90,3 ლარით). ამის შესახებ საქართველოს სტატისტიკის ეროვნული სამსახური იტყობინება.

კერძოდ, საწარმოთა ზომის მიხედვით საშუალო თვიური ხელფასი შემდეგნაირია:

მსხვილი ბიზნესი – 1270.0 ლარი,

საშუალო ბიზნესი – 1378.6 ლარი,

მცირე ბიზნესი – 1132.7 ლარი.

ასევე საქსტატის ცნობით, 2017 წლის IV კვარტალში ბიზნეს სექტორის ბრუნვის სტრუქტურაში ყველაზე მაღალი წილი - 47,3% მოდის ვაჭრობის დარგზე (ავტომობილების და მოტოციკლების რემონტის ჩათვლით). მეორე ადგილზეა დამამუშავებელი მრეწველობა - 11,2%-იანი წილით, შემდეგ მოდის მშენებლობა - 9,7%- იანი წილით, ხელოვნება, გართობა და დასვენება 9,1%-იანი წილით, ტრანსპორტი და დასაწყობება 6,4%-იანი წილით, ელექტროენერგიის, აირის, ორთქლის და კონდიცირებული ჰაერის მიწოდება 3,9%- იანი წილით, ხოლო დარჩენილი 12,4% კი სხვა დარგებზე ნაწილდება.