საქართველოს ფინანსთა სამინისტრომ 10 ერთეული ჰიბრიდული ავტომობილის შესაძენად ელექტრონული ტენდერი გამოაცხადა. როგორც სახელმწიფო შესყიდების ოფიციალურ ვებგვერდზე წერია, 10 ჰიბრიდული ავტომობილის შესყიდვის სავარაუდო ღირებულება 530 000 ლარია.

სატენდერო დოკუმენტაციის მიხედვით, ავტომობილები შემდეგ პარამეტრებს უნდა აკმაყოფილებდეს:

1. ექსპლუატაციაში არმყოფი;

2. გამოშვების წელი: არანაკლებ 2018;

3. გარბენი: არაუმეტეს 50 კმ;

4. კარების რაოდენობა: არანაკლებ 4;

5. საწვავის ტიპი: ჰიბრიდი (ბენზინი);

6. ძრავის მოცულობა: არანაკლებ 1.6 (მონაცემები დამრგვალებულია მეათედებამდე);

7. კომბინირებული ცხენის ძალა: არანაკლებ 122;

8. გადაცემათა კოლოფი: ავტომატური ან ვარიატორი;

9. სიგრძე: არანაკლებ 4 355 (მმ);

10. სიგანე: არანაკლებ 1760 (მმ);

11. სიმაღლე: არანაკლებ 1460 (მმ);

12. შესყიდვის ობიექტის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 3 წელს ან 150000 კილომეტრს (რომელიც ადრე შესრულდება) ძირითად აგრეგატებზე (ძრავი, ხიდი, გადაცემათა კოლოფი), არანაკლებ 3 წელს ან 100000 კილომეტრს (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა (ელექტრონათურები, ელექტრომცველები, შუშის საწმენდი ჯაგრისები, გადაბმულობის ქურო, საყრდენი დისკი და მომჭიმი საკისარი);

13. ელექტროშუშები: ოთხივე;

14. ალუმინის დისკები;

15. სათადარიგო საბურავი;

16. მინიმუმ ოთხი უსაფრთხოების ბალიში;

17. კონდიციონერი;

18. აუდიო სისტემა;

19. საჭის გამაძლიერებელი;

20. ABS (მუხრუჭების ბლოკირების საწინააღმდეგო სისტემა);

21. ავტომობილის სტაბილურობის კონტროლი (ASR, VSR ან ESP/ESC);

22. საჭის სიმაღლის მარეგულირებელი;

23. საჭე მარცხნივ;

24. ძარის ფერი ლურჯი;

25. ნაჭრის სალონი (მუქი ფერის);

26. უკანა საქარე მინის ელ.გათბობა;

27. უსაფრთხოების დამადასტურებელი დოკუმეტი NCAP (ევრო ქრაშ ტესტი) ან IIHS (ამერიკული ქრაშ ტესტი), ან JNCP (იაპონური ქრაშ ტესტი).

გარდა ამისა, ფინანსთა სამინისტროს 2018 წელს გამოშვებული 30 ერთეული ბენზინისძრავიანი მსუბუქი ავტომანქანის შეძენაც სურს. სატენდერო დოკუმენტაციის მიხედვით, შესყიდვის სავარაუდო ღირებულება 1 548 000 ლარია.