Frodo - "ბეჭდების მბრძანებლის" ცნობილი ჰობიტი, ფროდო, არ გეგონოთ. ეს ე.წ. მოგზაური კამერაა, რომელიც საკუთარ თავში თავგადასავლებსა და თანამედროვე ტექნოლოგიას აერთიანებს.

როგორც მისი ინდოელი შემქმნელები ამბობენ, მას დამოუკიდებლად შეუძლია გადაღება, საუკეთესო კადრების ამორჩევა და დასამახსოვრებელი ვიდეოს შექმნა. ამგვარად, თქვენ იღებთ უკვე მზა ვიდეოს ყოველგვარი ჩარევისა და რამდენიმესაათიანი რედაქტირების გარეშე.

მოგზაურობისას კარგი ხარისხის ვიდეოსა და სურათის გადასაღებად საჭიროა მაღალი ხარისხის კამერა და სხვადასხვა ხელსაწყო, რათა მოძრაობის დროს სასურველი კადრების დაფიქსირება შეძლოთ.

როგორც ფროდოს შემქმნელები ამბობენ, ეს პატარა კამერა რამდენიმე ხელსაწყოსა და ფუნქციას აერთიანებს, ამასთან, იღებს მაღალი ხარისხის ვიდეოს.

ხშირად საკუთარი ხელით გადაღებული ვიდეო დაბურულია, ხოლო გამოსახულება არ არის სუფთა, რის გამოც ვიდეო აღარ არის გამოსადეგი.

ფროდოს შემქმნელების თქმით, კამერის ევოლუციური ალგორითმი იწერს და აფიქსირებს ყველაზე საინტერესო მომენტებს, როგორიცაა სხვადასხვა ილეთი, ნახტომი, ჩაყვინთვა. მოგვიანებით, მოწყობილობა უკავშირდება თქვენს ტელეფონს და გაწვდით მზა, მაღალხარისხიან ვიდეოს, რომლის გაზიარებაც მომენტალურად შეგიძლიათ სოციალურ ქსელში.