ბავშვები, რომელთა მამებიც ჩასახვის პერიოდში მწეველები იყვნენ, სამჯერ უფრო ხშირად ავადდებიან ასთმით. ამის შესახებ ჟურნალი International Journal of Epidemiology იუწყება. კვლევაში 24 ათასი ბავშვი მონაწილეობდა, ვისი მამებიც მოზარდობის ასაკიდან მწეველები არიან.

როგორც წესი, ყველა თვლის, რომ ბავშვის განვითარებაზე უმეტესწილად დედის ცხოვრების წესი მოქმედებს, მაგრამ ასე არაა. ”მწეველი მამების ბავშვებს შორის სამჯერ უფრო მეტი აღმოჩნდა ასთმით დაავადებული”, - ამბობს კვლევის ავტორი პროფესორი სესილ სვეინსი ნორვეგიული ბერგენის უნივერსიტეტიდან.

კვლევის შედეგად ასევე ნათელი გახდა, რომ ერთ კვირაზე დიდხანს მარიხუანის მოწევა აქტიური სპერმატოზოიდების რიცხვს ერთი მესამედით ამცირებს.

გარდა ამისა, ბოლო კვლევების თანახმად, მომავალ ბავშვებზე მამის კვების რაციონიც მოქმედებს. მაგალითად, როგორ აითვისებს ბავშვი გლუკოზას და როგორ გაართმევს თავს ქოლესტერინის დაგროვებას.