ელექტრომობილების მფლობელებს სწრაფი დამტენით სარგებლობა უკვე საქართველოშიც შეუძლიათ. კერძოდ, კომპანია E-Space-მა ერთი სწრაფი დამტენი გორის ავტომაგისტრალზე მდებარებარე ერთ–ერთ ბრენდირებულ ავტოგასამართ სადგურზე დაამონტაჟა.

E-Space-ს ბიზნესის განვითარების მენეჯერი, დათო იოსავას ინფორმაციით, ახალი დამტენი ელექტრომობილს დაახლოებით ნახევარ საათში მუხტავს, – "დამტენი განკუთვნილია როგორც ევროპული, ისე იაპონური ავტომობილებისთვის. დამუხტვის ზუსტი დროის თქმა შესაძლებელი არ არის, რადგან კონკრეტულ ელექტრომობილზეა დამოკიდებული", – აღნიშნავს დათო იოსავა.

კომპანია სწრაფი დამტენების გავრცელებას როგორც დასავლეთ, ისე აღმოსავლეთ საქართველოში გეგმავს.

ელექტრომობილების დამტენებით სარგებლობა უფასოა. E-Space-ს განმარტებით, ეს ტენდენცია, შესაძლოა, შემდეგ წელსაც შენარჩუნდეს ან მძღოლებმა ავტომობილების დასამუხტად თანხის ნახევარი გადაიხადონ.