2018 წელი ელექტრომობილებისთვის გარდამტეხი მომენტი იქნება. მომავალ წელს ელექტრომობილები უკვე ფართო მოხმარების საგანი გახდება, განსაკუთრებით, ამერიკელებისთვის. Navigant Research-ის მიხედვით, ამ დროისთვის ელექტრომობილები გაყიდული ავტომობილების მხოლოდ 1,5%-ს შეადგენს.

ამერიკელები 2018 წელს შეძლებენ, რომ გონივრულ ფასად შეიძინონ უკვე ფართოდ ხელმისაწვდომი ელექტრომობილები, რომელსაც იმდენი ენერგია ექნება, რომ ყოველდღიური რუტინული გზა დაუფიქრებლად და უპრობლემოდ დაფაროს.

ექსპერტების განმარტებვით, მექანიზმის თვალსაზრისით, ელექტრომობილები გაცილებით მარტივია, ვიდრე შიდა წვის ძრავის მქონე ავტომობილები, მომხმარებელმა უბრალოდ უნდა გაიაზროს, რომ აღნიშნული მანქანა ზამთრის პერიოდში ისევე არ გაიყინება, როგორც ამას მათი სმარტფონი აკეთებს.

სპეციალისტები იმედს გამოთქვამენ, რომ ელექტრომობილების აქტიური გამოჩენა გზებზე და მათი ყოველღიური მოხმარება აღნიშნულ ცრურწმენას თანდათან გააქრობს. 2018 წელი იქნება პირველი სრული წელი, როდესაც Chevrolet Bolt EV საზოგადოების ფართო წრეებისთვის იქნება ხელმისაწვდომი. თუმცა მარკეტინგული თვალსაზრისით, წარმატებად უნდა ჩაითვალოს ის ფაქტი, რომ მიმდინარე წელს 20 ათასი ელექტრომობილი იმის მიუხედავად გაიყიდა, რომ ის აშშ-ის 50-ვე შტატში არ ყოფილა ხელმისაწვდომი.

Bolt EV -ის ღირებულება 37 ათასი დოლარიდან იწყება და მის ბატარეას თავისუფლად შეუძლია დაახლოებით 383 კილომეტრის დაფარვა.