Google-მა შექმნა მიკროსკოპი, რომელსაც სიმსივნის ზუსტი დიაგნოსტირება შეუძლია
ბევრი ადამიანის შეხედულების მიუხედავად, დამატებითი რეალობა მხოლოდ სათამაშო ინდუსტრიით არ შემოიფარგლება და საკმაოდ სერიოზულ სფეროებში მისი გამოყენება თავისუფლადაა შესაძლებელი. მაგალითისთვის, Google-ს თანამშრომლებმა ჭკვიანი მიკროსკოპი წარმოადგინეს, რომელსაც ხელოვნური ინტელექტისა და დამატებითი რეალობის ტექნოლოგიის საფუძველზე სიმსივნის საკმაოდ ზუსტი დიაგნოსტირება შეუძლია.
ტექნოლოგია Google Brain-ის მეცნიერთა ჯგუფმა შეიმუშავა. დამატებითი რეალობისა და ხელოვნური ინტელექტის გარდა, მიკროსკოპი სტანდარტულ ოპტიკური სინათლის მისკროსკოპის მოდელზეა შექმნილი და ოდნავ სახეცვლილია იმისთვის, რომ აღნიშნულ ტექნოლოგიებთან ერთად იმუშაოს.
მიკროსკოპი ისეა მოწყობილი, რომ შესაძლებლობას იძლევა, ნებისმიერ მეტნაკლებად აღჭურვილ სამედიცინო ლაბორატორიაში დაინერგოს. ის სპეციალისტებს საშუალებას აძლევს, რეალურ დროში ჩაატარონ მიღებული სურათის ანალიზი და წარმოადგინონ შედეგები. გამოსახულების განახლების სიხშირე 10 კადრია წამში, რაც სპეციალისტების თქმით, საკმარისი დიაგნოსტიკისთვის. ტექნოლოგიის შემქმნელების განმარტებით, აღნიშნული მიკროსკოპის გამოყენება შესაძლებელია ნებისმიერი ონკოლოგიური პათოლოგიის გამოსავლენად.