Youtube ევროკავშირის მასშტაბით მაუწყებლობის ხარისხს შეამცირებს, რათა მოახდინოს ინტერნეტის უპრეცედენტოდ მაღალ მოხმარებასთან გამკლავება. ინფორმაციას "ალ ჯაზირა" ავრცელებს. ამასთან ევროკავშირმა Netflix-ს ხარისხის შემცირებისკენ მოუწოდა, რათა ინტერნეტის მოხმარებას საფრთხე არ შეექმნას.

ოფიციალური პირები პლატფორმებს სთხოვენ, შეწყვიტონ მაღალი ხარისხის ვიდეოების ჩვენება. ევროკომისარი, ტიერი ბრეტონი კი მომხმარებლებს მიმართავს და სთხოვს არ გამოიყენონ HD ხარისხი თუ ამის აუცილებლობა არ არის.

ცნობისთვის, გავრცელებული ინფორმაციით, ბოლო პერიოდში ინტერნეტის მოხმარებამ რეკორდულ მაჩვენებლებს მიაღწია. ექსპერტები შიშობენ, რომ შესაძლოა, სერვერებმა მსგავს ზეწოლას ვერ გაუძლოს.