კვირის განმავლობაში რამდენიმე სიმღერა გამოვიდა და თუ Play List-ის განახლება გსურთ და თანაც ისინი თქვენს მუსიკალურ გემოვნებას შეესაბამება, მაშინ ეს თქვენთვის ნამდვილად სასიამოვნო სიახლეა.

1. Drake – Fake Love

ამ ახალმა სიმღერამ, რომელიც ყალბი მეგობრობის შესახებაა, ნახევარი მსოფლიო მოიარა. თქვენც მოუსმინეთ და შეაფასეთ.

2. The Shins – Dead Alive

ინდი როკ-ჯგუფი მუსიკალურ სიახლეს გვთავაზობს, რომელიც შესაძლოა, თქვენთვის სასიამოვნო აღმოჩნდეს. კლიპში ბენდის სოლისტი მინიატურული პერსონაჟია, რომელიც ლამის ფეხსაცმლის მსხვერპლი გახდა.

3. Saba – Photosynthesis

გიტარის მეშვეობით შესრულებული მუსიკალური ნამუშევარი, რომელსაც მშვიდი და რბილი ვოკალი ახლავს თან.

4. Joanna Newsom – Make Hay

სიმღერის ტექსტი პოეტურია და ფორტეპიანოს აკომპანიმენტითაა შესრულებული.

5. Run the Jewels – Talk to Me

ეს ალბომი ჯგუფის ახალი ნამუშევარია და თუ ამ მუსიკალური მიმდინარეობის თაყვანისმცემელი ხართ, მაშინ ის სწორედ თქვენთვისაა.