Disney-მ და Pixar-მა 2019 წლამდე წარმოსადგენი ფილმების სია გამოაქვეყნა, რომელშიც ანიმაციური სურათებიც შედის.

სია კი ასე გამოიყურება:

1. დოქტორი სთრეინჯი/Doctor Strange

მარველის ამ ახალ ფილმში ბენედიქტ კამბერბაჩი მონაწილეობს. დოქტორი სთრეინჯი ქირურგია, რომელიც შემთხვევით ხელზე ტრავმას მიიღებს, რის შემდეგაც ძველი საქმიანობის გაგრძელება აღარ შეუძლია, თუმცა ახალ პროფესიას მალევე იპოვნის და ბნელ ძალებს ჯადოქრობის საშუალებით ებრძვის.

ფილმი ეკრანებზე 2016 წლის 4 ნოემბერს გამოჩნდება.

2. მოანა/Moana

დვეინ ჯონსონი უკვე დისნეის 56-ე აიმაციურ ფილმში იმღერებს, რომელიც მოზარდების მოგზაურობის შესახებაა.

მოანა 2016 წლის 23 ნოემბერს გამოდის.

3. გაიძვერა/Rogue One

ფილმში ოსკარის მფლობელი ფორესტ უიტეკერი და მედს მაიკლსონი მონაწილეობენ. ისინი ახალი იმედის საძებნელად მიდიან და მიყვებიან ჯგუფს, რომელიც სიკვდილის ვარსკვლავის გეგმის მოპარვას აპირებს.

სურათი "გოძილას" რეჟისორის, გარეთ ედვარდსის მიერაა გადაღებული და ეკრანებზე 2016 წლის 16 დეკემბერს ვიხილავთ.

4. ურჩხული და მზეთუნახავი/Beauty and the Beast

მომავალ წელს დისნეი "ურჩხულისა და მზეთუნახავის" ახალ ვერსიას შემოგვთავაზებს, რომელიც მხატვრული ფილმის სახითაა მომზადებული. მთავარ როლებში ემა ვოტსონი და დენ სტივენი მონაწილეობენ.

ფილმის შემქმნელების თქმით, ის 2017 წლის მარტში გამოვა.

5. გალაქტიკის მცველები 2/ Guardians of the Galaxy vol.2

ამ ნაწილში კრის პრატი ბრუნდება, ამ დროს კი იონდუ და ნებულა კარგ ბიჭებს შეუერთდებიან.

მცველების მეორე ნაწილი 2017 წლის 5 მაისს გამოდის.

6. მანქანები 3/Cars 3

ეს ანიმაციური ფილმი, რომელმაც დიდი პოპულარობა მოიპოვა, 2017 წლის ივნისში გამოვა.

7. კარიბის ზღვის მეკობრეები: მიცვალებული არ ლაპარკობს/ Pirates of the Caribbean: Dead Men Tell No Tales

"კარიბის ზღვის მეკობრეების" ამ ნაწილში ჯეკ ბეღურა საშიში მოჩვენების, კაპიტანი სალაზარის პირისპირ აღმოჩნდება.

სურათში ორლანდო ბლუმიც ბრუნდება და "მიცვალებული არ ლაპარაკობს" ეკრანებზე 2017 წლის 26 მაისს გამოვა.

8. თორი: რაგნაროკი/Thor:Ragnarok

"თორის" მესამე ნაწილს 2017 წლის სამ 3 ნოემბერს ვიხილავთ.

9. კოკო/Coco

Disney-სა და Pixar-ის ერთობლივ ნამუშევარს 2017 წლის 22 ნოემბერს ვიხილავთ.

10. ვარსკვლვური ომები/Star wars

"ვარსკვლავური ომების" მერვე ნაწილი, რომელსაც სახელი ისევ არ აქვს, 2017 წლის 15 დეკემბერს გამოდის.

11. გიგანტი/Gigantic

ამ ანიმაციურ ფილმს, რომელიც 11 წლის გოგონა ემას შესახებაა, 2018 წლის 9 მარტს ვიხილავთ.

12. შავი პანტერა/Black Panther

მარველის "შავი პანტერა" ტელეეკრანებზე 2018 წლის 16 თებერვალს გამოვა.

13. შურისმაძიებლები/Avengers

შურისმაძიებლების ეს ეპიზოდი 2018 წლის 4 მაისს გამოდის.

14. სუპერ ოჯახი/The Incredibles

ამ ანიმაციური ფილმის კიდევ ერთი ნაწილი 2018 წლის 15 ივნისს გამოდის და განსაკუთრებული ძალების მქონე ოჯახის ახალი თავგადასავლების შესახებ მოგვითხრობს.

15. სათამაშოების ისტორია/Toy Story

ყველასთვის საყვარელ ანიმაციურ ფილმს ეკრანებს Disney ეკრანებს 2019 წლის 21 ივნისს დაუბრუნებს.

16. კონკია/Cinderella

კონკიას ახალი ისტორიის გარდა, Disney აცხადებს, რომ "მულანისა" და "მეფე ლომის" ახალ ვერსიებზეც მუშაობს.