ისლანდიელი მომღერალი და კომპოზიტორი ბიორკი მსოფლიოში ბევრი მელომანის საყვარელი შემსრულებელია. მისი სოლო კარიერა ბევრ ჰიტს ითვლის, რომლებმაც მომღერალს დიდი წარმატება მოუტანა.

ბიორკი 1965 წლის 21 ნოემბერს რეიკიავიკში დაიბადა და მუსიკალურ გარემოში გაიზარდა. პირველი ალბომი ბიორკმა 11 წლის ასაკში გამოუშვა. ალბომი ტრადიციულ ისლანდიურ ფოლკლორულ მუსიკას მოიცავდა.

თავდაპირველად, მან ბენდი Sugacubes დაარსა, 1993 წლიდან კი უკვე სოლო კარიერა დაიწყო.

მომღერლის შემოქმედებაში განსაკუთრებული ადგილი უჭირავს ალბომებს Debut, Post, Vespertine, Medulla, Volta და Biophilia. ბიორკი ცნობილია თავისი სიმღერებით I’ve Seen It All, Human Behaviour, Big Time Sensuality.

2 000 წელს ბიორკი გამოჩნდა ფილმ Dancer in the Dark-ში (წყვდიადში მოცეკვავე). ფილმში შესრულებული როლისთვის მან კანის ფესტივალზე საუკეთესო მსახიობის ტიტული მიიღო და ოქროს გლობუსის დაჯილდოებაზე ნომინაციაზეც იყო წარდგენილი.

ისლანდიელი მომღერალი მალე საქართველოს ეწვევა და ქართველ მელომანებს მისი შემოქმედების მოსმენის საშუალება მიეცემათ.

გთავაზობთ მისი ბავშვობის და ახალგაზრდობის ფოტოებს: