რადიო პალიტრამ აჭარაში მაუწყებლობის დაწყება და 10 წლის იუბილე ბათუმში, გემზე გამართულ წვეულებაზე აღნიშნა. როგორც ღონისძების ორგანიზატორებმა განაცხადეს, აჭარა რადიო პალიტრისთვის ძალიან მნიშვნელოვანი რეგიონია, ამიტომაც მიღეს გადაწყვეტილება, რომ მაუწყებლობა განსხვავებულად და ორიგინალურად აღენიშნათ.

ღონისძიება საღამოს 8 საათზე დაიწყო, წვეულებას გემი "ბათუმი" მასპინძლობდა. რადიოს 10 წლიანი ისტორიის გაცნობის შემდეგ, სტუმრებმა გათამაშებაშიც მიიღეს მონაწილეობა. საღამოს მუსიკალურად კახაბერი აფორმებდა, ცნობილი შეფმზარეული ლევან კობიაშვილი კი განსხვავებული ვახშმით გაუმასპინძლდა სტუმრებს - ქართული ვახშამი აჭარული აქცენტებით.

გემზე წვეულების პარტნიორები იყვნენ: გენერალური სპონსორი "ფინკა ბანკი საქართველო"; ღონისძიების პარტნიორი – ფრანგული კოსმეტიკის ბრენდი "ნუქსი"; მაღაზიათა ქსელი "ზოდი"; დეოდორანტები ფრანგული პარფიუმით OE; "18 კარატი ფრეშეს ქრაფთს" - ექსკლუზიური უმაღლესი 750 სინჯის ოქროს ნაკეთობები და ბრილიანტები "ფრანკო ფონტანას" ქართველი პარტნიორებისგან; ნუტრი კოსმეტიკური ბრენდი "ვიადერმი"; კომპანია "გაგრა პლუსი" (stoli vodka).

თამარ ცაგარეიშვილი, რადიო პალიტრის პროგრამების ხელმძღვანელი:

რადიო პალიტრა აჭარაშიც იგივე ტალღაზეა, FM 103,9, ასე რომ უკვე აჭარას შეუძლია მოისმინოს ჩვენი ხმა, ძალიან რესპექტაბელური, სანდო და რაც მთავარია, მიუკერძოებელი ინფორმაცია. დღევანდელი წვეულებით ჩვენ კიდევ უფრო ახლოს მოვედით აჭარასთან და ჩვენთვის მნიშვნელოვან რეგიონში შემოსვლა განსაკუთრებულად აღვნიშნეთ.

ნინო არაზაშვილი, ჟურნალისტი:

იუბილეზე საჩუქრები როგორც წესი, სტუმრებს მიაქვთ ხოლმე, რადიო პალიტრამ კი დღევანდელ ღონისძიებაზე ნამდვილი დღესასწაული მოუწო ყველას – უამრავი სიურპრიზი, საჩუქარი, ეს დღე ნამდვილად დაუვიწყარია, სავსე ვარ ემოციებით და გილოცავთ ამ ძალიან წინგადადგმულ ნაბიჯს. ფანტასტიკური გადაწყვეტილებაა, რომ შავი ზღვის სანაპირო სულ სხვა თვალით დაგვანახვეთ.

სანდრო ონოფრიშვილი, მთის კურორტების განვითარების კოპმანიის ხელმძღანელი:

რადიო პალიტრას ვულოცავ დღევანდელ დღეს, ჩვენთან, გუდაურსა და ბაკურიანში უკვე დიდი ხანია გისმენთ, ახლა კი მიხარია და გილოცავთ, რომ უკვე აჭარაშიც შევძლებთ თქვენს მოსმენას, თქვენ ყველაფერი გაქვთ წარმატებისთვის.

ლაშა ღლონტი, მომღერალი

მე ბათუმელი ვარ, მაგრამ ასეთი ბათუმი სიმართლე გითხრათ, აქამდე არ მინახავს, უამრავ ქვეყანაში ვარ ნამყოფი, მაგრამ ასეთი განცდა არასდროს მქონია. დიდი მადლობა რადიო პალიტრას ასეთი დაუვიწყარი დღისთვის, გისურვებთ დიდ წარმატებას, ყოველთვის თქვენს ერთგულ მსმენელად მიგულეთ.

მარიამ ესებუა, "ფინკა ბანკის" საქართველოს მარკეტინგის დეპარტამენტის ხელმძღვანელი:

ძალიან მიხარია, რომ დიდი ხანია რადიო პალიტრასთან ვთანამშრობლობთ, ვულოცავ მათ იუბილეს და აჭარაში მაუწყებლობას, ჩვენ მომავალშიც სიამოვნებთ გავარძელებთ თანამშრომლობას, რადიო პალიტრა ჩვენი სანდო პარტნიორი და თანამზგავრია.