ჩინეთში 200 მეტრის სიმაღლის "ვერტიკალურ ტყეს" აშენებენ
"ვერტიკალური ტყეების" მშენებლობა 2009 წელს, მილანში დაიწყო: ბაღებით დაფარული ორი კოშკი, რომელთა სიმაღლე 110 და 76 მეტრს აღწევდა, იტალიელ არქიტექტორთა ჯგუფმა შექმნა.
ათასობით მწვანე ნარგავს, რომლებიც კოშკების ტერასებზე იზრდება, საკუთარი წვლილი შეაქვს ქალაქის ეკოლოგიის გაუმჯობესებაში. 2014 წელს პროექტმა ცნობილი საერთაშორისო პრემია International Highrise Award მიიღო.
ამჟამად, კოშკების შექმნელი სტეფანო ბოერი, ანალოგიურ "ტყეებს" ჩინეთის ქალაქ ნანკინშიც აშენებს.
ორი კოშკის შიგნით, რომელთა სიმაღლე 199 და 107 მეტრს აღწევს საოფისე და სავაჭრო ფართები, სასტუმრო Hyatt, რესტორნები, მუზეუმები, სკოლა, ხოლო სახურავზე კლუბი და აუზი იქნება განლაგებული. ორივე შენობაში 23 სახეობის 1100 ხე იქნება დარგული, ხოლო ბუჩქოვანი მცენარეების რიცხვი 2500-ს მიაღწევს. ეს გიგანტური ბაღები, რომლებიც 6 000 კვადრატული მეტრზე იქნება განლაგებული, დღე-ღამეში 60 კილოგრამი ჟანგბადის გამოყოფას შეძლებს.
მისი მშენებლობა 2018 წელს დასრულდება.
