საბერძნეთში, ათენიდან ცხრა საათის სავალ გზაზე ძალიან უჩვეულო კუნძული იკარია მდებარეობს. მისი მოსახლეობის ერთი მესამედი 90 ან მეტი წლისაა.

სარდინია იტალიაში, ნიკოია კოსტა-რიკაში, ოკინავა იაპონიაში, ლომა ლინდა კალიფორნიაში და იკარია საბერძნეთში. ეს არის ე.წ. ლურჯი ზონა - ხუთი ადგილი, სადაც ადამიანები ყველაზე დიდხანს ცხოვრობენ.

ამის მიზეზად ექსპერტები ხშირად ჯანმრთელ კვებას და ცხოვრების აქტიურ წესს ასახელებენ. მედიკოსები და ანთროპოლოგები, რომლებიც ლურჯი ზონის პროექტზე მუშაობენ, ასევე ახლო ნათესაური კავშირებს და რელიგიურ ჯგუფებში ჩართულობას აღნიშნავენ. იკარიელები ცდილობენ არ გაწყვიტონ კავშირი საკუთარ ოჯახებთან და მეზობლებთან, ხოლო მოხუცები საზოგადოებაში მნიშვნელოვან როლს ასრულებენ. ბებიები და ბაბუები შვილიშვილების გაზრდაში მონაწილეობენ ან ბიზნესს მართავენ.

"არ მოინდომოთ მეტი, ვიდრე თქვენ ნამდვილად გჭირდებათ. თუ თქვენ სხვების გშურთ, ეს მხოლოდ სტრესამდე მიგიყვანთ", - ამბობს 105 წლის იკარიელი იოანა პროიუ.

პენსიაზე გასული ექიმი ქრისტოდულოს ქსენაკისი იკარიაზე ახალგაზრდა კაცად მიიჩნევა, ის ხომ მხოლოდ 81 წლისაა. "ჩვენ დროს სხვა მნიშვნელობას ვანიჭებთ. ჩვენ არ ვნერვიულობთ. საქმე ყოველთვის გამოჩნდება, მაგრამ თუ შენ აკეთებ იმას, რაც ბედნიერებას განიჭებს შენ ან სხვებს, როგორ შეიძლება თავი უკეთ არ იგრძნო?" - მიიჩნევს ქსენაკისი.