ინგუშეთში უცნობი პირები ჟურნალისტებისა და უფლებადსამცველების ჯგუფს თავს დაესხნენ. ამის შესახებ რუსული მედია იტყობინება.

გავრცელებული ცნობით, თავდამსხმელებმა გააჩერეს ავტობუსი, რომელიც მეზობელ ჩეჩნეთში მიდიოდა, მგზავრები გადმოიყვანეს და ტრანსპორტს ცეცხლი წაუკიდეს. დაიწვა მთლიანად ავტობუსი და მგზავრების პირადი ნივთები, მათ შორის პასპორტებიც.

არსებული ინფორმაციით, თავდამსხმელებმა მგზავრებს ფიზიკური შეურაცხყოფაც მიაყენეს. ინციდენტის შედეგად რვა ადამიანი დაშავდა. ჟურნალისტებს შორის იყო ორი უცხოელიც, მათ შორის ერთი შვედი და ერთი ნორვეგიელი.

როგორც ცნობილია, ჟურნალისტები და უფლებადამცველები არაოფიციალური პრესტურის ფარგლებში ადამიანის უფლებების დარღვევის ფაქტების გამოძიების მიზნით, მიდიოდნენ ჩეჩნეთში. ჯერჯეობით უცნობია თავდამსხმელთა ვინაობა, თუმცა, არსებობს ეჭვი, რომ ინგუშეთისა და ჩეჩნეთის ადმინისტრაციულ საზღვართან მომხდარი თავდასხმა ჩეჩნების მიერ იყოს ორგანიზებული.

მომხდართან დაკავშირებით აღძრულია სისხლის სამართლის საქმე.