სირიაში სახმელეთო ჯარების გამოყენება შეცდომა იქნებოდა. ასეთი განცხადება აშშ-ის პრეზიდენტმა ბარაქ ობამამ ტელეკომპანია "ბი-ბი-სი"-სთან ინტერვიუში გაააკეთა. მისი თქმით , სირიაში კონფლიქტის მოგვარება მხოლოდ სამხედრო გზით შეუძლებელია.

"აშშ-სთვის ან დიდი ბრიტანეთისთვის შეცდომა იქნებოდა სახმელეთო ჯარების გაგზავნა და ასადის რეჟიმის ჩამოგდება", - განაცხადა აშშ-ის ლიდერმა. მისი ცნობით, საერთაშორისო კოალიცია აშშ-ის ხელმძღვანელობით, გააგრძელებს ტერორისტული დაჯგუფება "ისლამური სახელმწიფოს" პოზიციებზე დარტყმების მიტანას.

ობამას თქმით, საერთაშორისო საზოგადოებამ უნდა გააგრძელოს ზეწოლა ე.წ. ზომიერ ოპოზიციაზე, ასევე რუსეთსა და ირანზე, რათა ისინი მოლაპარაკებების მაგიდასთან დასხნენ და სირიაში გარდამავალი მთავრობის შექმნაზე შეთანხმდნენ.