საფრანგეთის ქალაქ ლილში ფეხბურთის 40-მდე გულშემატკივარი დააკავეს. გუშინ ღამის განმავლობაში ფრანგ სამართალდამცველებსა და გულშემატკივრებს შორის დაპირისპირება მიმდინარეობდა.

არეულობის შედეგად 50-ზე მეტი ადამიანი დაშავდა, 16 მათგანი საავადმყოფოშია გადაყვანილი.

დასავლური მედიის ცნობით, არეულობაში 200-მდე ადამიანი მონაწილეობდა, მათი უმრავლესობა ინგლისელი იყო.

როგორც "ბიბისი" წერს, ისინი რუსეთის საწინააღმდეგო ლოზუნგებს სკანდირებდნენ და აცხადებდნენ, რომ მათ რუსეთი სძულთ.

ფრანგმა სამართალდამცველებმა გულშემატკივრების დასარბევად ცრემლსადენი გაზი და ხელკეტები გამოიყენეს.