თურქეთში სახელმწიფო გადატრიალებაა. გენერალური შტაბი ხელისუფლების ხელში ჩაგდების შესახებ იუწყება. მათივე განცხადებით, თურქეთის ხელისუფლება დაპატიმრებულია. გენშტაბში აცხადებენ, რომ გადატრიალების შემდეგ ყველა არსებული საერთაშორისო ურთიერთობა შენარჩუნდება.

ვრცელდება ინფორმაცია, რომ ათათურქის აეროპორტი დაკეტილია. აეროპორტთან ტანკებიც შენიშნეს. გავრცელებული ინფორმაციით, მაუწყებლობა შეწყვიტა სახელმწიფო ტელევიზიამ. მანამდე გავრცელდა პრემიერმინისტრ ბინალი ილდირიმის განცხადება, რომლის თანახმადაც თურქ სამხედროთა ჯგუფმა სცადა კანონსაწინააღმდეგო ქმედების განხორციელება ხელისუფლების წინააღმდეგ. "სამხედროების ჯგუფმა გამოიყენა რა მათ ხელთ არსებული უფლებამოსილება და იარაღი, შეეცადა ჩაედინათ უპასუხისმგებლო მოქმედებები. ამას გადატრიალებას ვერ ვუწოდებდით, მაგრამ ყველა შემთხვევაში, ჩვენი მოქალაქეები მშვიდად უნდა იყვნენ, ჩვენ ყველაფერს გავაკეთებთ წესრიგის დასამყარებლად. დამნაშავეები ყველაზე მკაცრად დაისჯებიან" - განაცხადა ილდირიმმა.თურქეთ