თურქეთის სახელმწიფო ტელევიზიის, TRT -ს ეთერში გაკეთდა განცხადება, რომ ამიერიდან თურქეთს „სამშვიდობო საბჭო“ მართავს . არხის წამყვანმა წაიკითხა სამხედროების განცხადება, რომლის თანახმად, ქვეყნის მართვა გადავიდა სწორედ ამ საბჭოს ხელში, რომელიც მოსახლეობის უსაფრთხოებას უზრუნველყოფს. განცხადების თანახმად, თურქეთის მოქმედმა მთავრობამ ქვეყნის დემოკრატიულ და საერო მმართველობასა და კანონის უზენაესობას ძირი გამოუთხარა.

ცოტა ხნის წინ გავრცელდა ინფორმაცია, რომ თურქეთში სამხედრო გადატრიალება მოხდა. ანკარასა და სტამბოლში სამხედრო ტექნიკა გამოჩნდა, ქუჩებში ტანკები, საჰაერო სივრცეში კი ვერტმფრენები პატრულირებენ. დაუდასტურებელი ინფორმაციით, გადატრიალების მონაწილეებმა თურქეთის გენშტაბის უფროსი და კიდევ რამდენიმე სამხედრო მაღალჩინოსანი ტყვედ აიყვანეს.