ჰილარი კლინტონი - იყო მომენტები, როდესაც ერთადერთი რაც მსურდა სახლში დარჩენა იყო
ჰილარი კლინტონი პირველად გამოჩნდა საჯარო სივრცეში მას შემდეგ, რაც , ერთი კვირის წინ, აშშ-ში ჩატარებულ საპრეზიდენტო არჩევნებზე დამარცხება აღიარა. მან მხარდამჭერებს მოუწოდა, გააგრძელონ ბრძოლა ქვეყნისთვის, რომელიც "დიდი იმედის მომცემია", - წერს ბრიტანული The Guardian.
"ვაღიარებ, რომ დღეს საღამოს აქ მოსვლა ჩემთვის არ იყო ყველაზე იოლი რამ", - კლინტონმა აუდიტორიას ვაშინგტონში ”ბავშვთა დაცვის ფონდის” საღამოზე მიმართა.
"გასულ კვირას იყო მომენტები, როდესაც ერთადერთი რაც მსურდა იყო საერთოდ არ გავსულიყავი სახლიდან", - აღნიშნა ჰილარი კლინტონმა.
"ვიცი, რომ გასული კვირის განმავლობაში უამრავმა ადამიანმა დაუსვა თავის თავს კითხვა - არის თუ არა ამერიკა ის ქვეყანა, რომელიც გვეგონა, რომ იყო. მაგრამ, გთხოვთ, მომისმინეთ, გვჯეროდეს ჩვენი ქვეყნის და ვიბრძოლოთ ჩვენი ღირებულებებისთვის და არასოდეს დავნებდეთ", - განაცხადა ჰილარი კლინტონმა.