დონალდ ტრამპის ვაჟი და პირველი ლედი, მელანია ტრამპი საცხოვრებლად თეთრ სახლში არ გადავლენ, - "მისის ტრამპი და ბარონი მას შემდეგ გადმოვლენ ვაშინგტონში, როდესაც ჩემი ვაჟი სკოლას დაამთავრებს," - განმატა აშშ-ის პრეზიდენტმა, თუმცა ზუსტი თარიღი არ დაუსახელებია.

მელანია ტრამპის გადაწყვეტილებას როგორც მომხრეები, ისე მოწინააღმდეგეები გამოუჩნდნენ. ერთი ნაწილის თქმით, პირველი ლედის გადაწყვეტილება "შემაძრწუნებელია," რადგან თეთრ სახლს ქვეყნისთვის სიმბოლური დატვირთვა აქვს, მეორე ნაწილი კი აცხადებს, რომ ბარონს პასუხისმგებლობის მქონე მშობლები ჰყავს, რომლებიც სწორად იქცევიან.

აშშ-ის პრეზიდენტების მეორე ნახევრებიდან თეთრ სახლში მხოლოდ ორ მათგანს მარტა ვაშინგტონსა და ანა ჰარისონს არ უცხოვრია. მარტა ვაშინგტონის დროს თეთრი სახლი ჯერ კიდევ მშენებლობის პროცესში იყო, ანა ჰარისონის ქმარი კი იქამდე გარდაიცვალა, სანამ თეთრ სახლში გადავიდოდნენ საცხოვრებლად.