ალეპოში მოსახლეობის ევაკუაცია შეჩერდა
სირიის სახელმწიფო ტელევიზიის ცნობით, მოსახლეობისა და ოპოზიციის მებრძოლების ევაკუაცია ალეპოს აღმოსავლეთ ნაწილიდან მას შემდეგ შეჩერდა, რაც მეამბოხეებმა ცეცხლი გაუხსნეს ერთ-ერთ კოლონას, - იუწყება Associated Press.
ამ დროისთვის უცნობია თუ რამდენი ხნით იქნება შეჩერებული ევაკუაციის პროცესი.
როგორც სირიის სახელმწიფო ტელევიზია იუწყება, მეამბოხეებმა ასევე სცადეს თან მძევლების წაყვანა.
ლიბანში მდებარე "ალ-მანარ ჰეზბოლა ტვ-ს" ინფორმაციით, სირიის არმიამ ევაკუაციის პროცესი შეაჩერა იმის გამო, რომ მეამბოხეებმა დაარღვიეს ცეცხლის შეწყვეტის შეთანხმება.
აღმოსავლეთ ალეპოდან მშვიდობიანი მოსახლეობისა და ამბოხებულების ევაკუაცია 15 დეკემბერს დაიწყო.