აშშ-ის პრეზიდენტმა, დონალდ ტრამპმა ტელეარხ CNN-ს და გაზეთი New York Times-ს ცრუ ინფორმაციის გავრცელებაში ბრალი დასდო. აღნიშნულის შესახებ დონალდ ტრამპმა "ტვიტერის" პირად გვერდზე დაწერა.

"ცრუ ინფორმაციის გამავრცელებელი მედია საშუალებები სიმართლეს მიზანმიმართულად არ ამბობენ; ეს დიდი საფრთხეა ჩვენი ქვეყნისთვის. New York Times-ი შეცდომებს უშვებს, სასაცილოები გახდნენ, იგივე ეხება CNN-ს, სამწუხაროა", - დაწერა დონალდ ტრამპმა.

რამდენიმე წამყვანი ამერიკული მედია საშუალება თეთრ სახლში გამართულ ბრიფინგზე არ დაუშვეს, მათ შორის CNN, New York Times, Politico, Los Angeles Times.

თეთრი სახლი და პრეზიდენტი ტრამპი არაერთხელ აკრიტიკებდნენ რიგ მედია საშუალებებს, მათ შორის CNN-ს და New York Times არასაწორი ინფორმაციის გავრცელებაში.