რუსეთის ქალაქ სანკტ-პეტერბურგის რამდენიმე სავაჭრო ცენტრში მოსახლეობის ევაკუაცია განხორციელდა. სამართალდამცველებმა აღნიშნული გადაწყვეტილება ნაღმის შესახებ ანონიმური შეტყობინებით ახსნეს.

ადგილობრივი მედია იმ სავაჭრო ცენტრებს ასახელებს, რომლებიც პოლიციის თანამშრომლებმა დაცალეს. კერძოდ, ევაკუაცია განხორციელდა სავაჭრო ცენტრ "გალერეაში", "სტოკმანში", "რადუგაში", "მილერში", "ატმოსფერაში", "მონპანსიეში", "იუნში", "ჩკვალოვსკში", "კოსმოსში", "სენნაიაში", "პიკში", "ავენიუში" და "ნევსკი ატრიუმში".

ევაკუაციის ფაქტს აქტიურად განიხილავენ სოციალურ ქსელებში, სადაც თვითმხილველები ამბობენ, რომ სამართალდამცველებმა შენობის დატოვება ტექნიკური მიზეზების გამო მოსთხოვეს.

ამასთანავე, მოსკოვში უკვე 8 სკოლაში მოსწავლეებისა და პერსონალის ევაკუაცია განხორციელდა. საუბარი დაახლოებით 9 ათას ადამიანზეა.

მსგავსი თუმცა, უფრო მასშტაბური შემთხვევა რამდენიმე დღის წინ დაფიქსირდა, მოსახლეობის ვეაკუაცია სავაჭრო ცენტრებიდან, სკოლებიდან და სადგურებიდან მოხდა, მიზეზი მაშინაც ანონიმური შეტყობინება იყო.