აშშ-სა და სამხრეთ კორეის საჰაერო ძალები ერთობლივ მასშტაბურ სწავლებას იწყებენ
აშშ-სა და სამხრეთ კორეის საჰაერო ძალები დღეს ერთობლივ მასშტაბურ სწავლებებს იწყებენ. ამის შესახებ სააგენტო "ფრანს პრესი" იუწყება.
სააგენტოს ინფორმაციით, აღნიშნული მანევრები მოკავშირეების, აშშ-სა და სამხრეთ კორეის პასუხს წარმოადგენს ჩრდილოეთ კორეის მიერ ბალისტიკური რაკეტის გამოცდაზე.
ერთობლივი სწავლება Vigilant Ace ხუთი დღის განმავლობაში გაგრძელდება. მასში მონაწილეობას მიიღებს 200-ზე მეტი თვითმფრინავი, ამერიკული გამანადგურებლები F-22. სწავლებაში ასევე ჩართულია აშშ-ს 12 ათასი სამხედრო.