კრმელის ლიდერმა, ვლადიმერ პუტინმა, სირიიდან რუსეთის შეიარაღებული ძალების გაყვანის ბრძანება გასცა. აღნიშნული განცხადების გასაკეთებლად რუსეთის პრეზიდენტი ომის მიმდინარეობისას პირველად სირიაში ჩავიდა და ომეიმის ავიაბაზიდან სამხედროების გაყვანის შესახებ სირიის პირველი პირის, ბაშარ ალ ასადის, რუსეთის თავდაცვის მინისტრის, სერგეი შოიგუსა და რუსეთის შეიარაღებული ძალების მეთაურის, სერგეი სუროვიკის, თანხმლებით განაცხადა.

ეს პირველი შემთხვევა არ არის, როდესაც რუსეთმა სირიაში საკუთარი სამხედრო კამპანიის წარმეტბით დასრულება აღნიშნა. "ბიბისი"-მ სამხედრო ექსპერტებს მიმართა კითხვით, მართლა გამოიყვანს თუ არა რუსეთი თავის სამხედრო ძალებს სირიიდან.

სამეფო გაერთიანებული თავდაცვითი კვლევების ინსტიტუტის უფროსმა სამეცნიერო თანამშრომელმა იგორ სუტიაგინმა განმარტა, რომ პუტინის განცხადებით არაფერი შეიცვლება, რადგან ის არავის გამოყვანას არ გეგმავს სირიიდან.

"ომეიმის ბაზიდან სამხედრო დანაყოფების გამოყვანის მიუხედავად დარჩება ორი ბაზა და საკმარისი ძალები, რათა ამ ბაზების დაცვა და ფუნქციონირება მოხდეს. შეირაღებული ძალები იქ მაინც დარჩებიან, ვიღაცებს გამოიყვანენ, ახლებს დაამატებენ და ეს იქნება მთელი ამბავი"- განმარტა ექსპერტმა და აქვე აღნიშნა,- "რას აკეთებს რუსეთი სირიაში? მხარს უჭერს სირიის რეჟიმს, რომელიც თავის მხრივ რუსეთის ახლო აღმოსავლეთში წარმომადგენლობას უზრუნველყოფს. რუსეთს, როგორც ასეთი სირიის რეჟიმი არც სჭირდება".

აღნიშნული მოსაზრება რეალობას სულც არ არის მოკლებული თუ გავითვალისწინებთ, რომ სულ რაღაც ერთი წლის წინ კრემლში აცხადებდნენ, რომ ბაშარ ალ ასადის გადადგომის წინააღმდეგები არ იქნებოდნენ, თუ მის ადგილს დაიკავებდა ადამიანი, რომელიც რუსეთის ბაზებს ხელშეუხებელს დატოვებდა.

"რუსეთი იცავს თავის ინტერესებს, კრემლის ინტერესი კი ის არის, რომ ხმელთაშუა ზღვაზე ორი ბაზა ჰქონდეს, ამიტომ შეიარღებული ძალების იქიდან გამოყვანას არც აპირებენ" - თქვა ექსპერტმა.

აღნიშნულ მოსაზრებას ეთანხმება ჟურნალ "Арсенал отечества"-ს მთავარი რედაქტორი ვიქტორ მურახოვსკი. მისი თქმით, ცხადია, რომ ადგილზე დარჩება სამეთაურო შტაბი, მხარეების შერიგების რუსული ცენტრი, განაღმვის რუსული ცენტრი, ომეიმისა და ტარტუსას ანტისაჰაერო ავიაბაზები, აღნიშნული ობიექტების დაცვის სახმელეთო ძალები. ასევე დარჩება სამხედრო პოლიცია, რომელიც დესკალაციის ზონებშია განლაგებული.

"ჩვენ არც ვაპირებდით სამხედრო შეიარაღების სრულად გაყვანას სირიიდან, მათ რიცხვს შევამცირებთ, მაგრამ სრულად არ გავიყვანთ"- აღნიშნა ვიქტორ მურახოვსკიმ და განმარტა, რომ სირიაში რუსეთის წარმომადგენლობის პიკზე ომეიმის ბაზაზე დაახლოებით 35-36 მოიერიშე თვითმფრინავი და ამასთანავე 15-16 ვერტმფრენი იყო, ასევე დაზვერვითი თვითმფრინავები მუშაობდნენ, ახლა მათი რაოდენობა თითქმის განახევრდება სწორედ ამ განახევრებას უწოდებს ვლადიმერ პუტინი სირიიდან შეიარაღებული ძალების გამოყვანას.