ჩრდილოეთ კორეის ლიდერის კიმ ჩენ ინის გავლენიანი და პარასკევს ზამთრის ოლიმპიური თამაშების გახსნის ცერემონიას სამხრთ კორეაში დაესწრება. აღნიშნულ ინფორმაციას სეულის ოფიციალური პირები ავრცელებენ.

კიმ იო ჩენი კიმ ჩენ ირის უმცროსი ქალიშვილია, მან ქვეყანაში გავლენა მას შემდეგ მოიპოვა, რაც ის პოლიტბიუროს წევრობამდე დააწინაურეს.

ზამთრის ოლიმპიადის გახსნის ცერემონიაზე სამხრეთი და ჩრდილოეთ კორეაც ერთი და იმავე დროშის ქვეშ იქნებიან წარმოდგენილები.

საერთაშორისო საზოგადოებამ ოლიმპიადაში ფხენიანის მონაწილეობა ჩრდილოეთ და სამხრეთ კორეას შორის ურთიერთობის გალღობას დაუკავშირა, თუმცა ექსპერტებმა განმარტეს, რომ ეს არანაირ გავლენას არ იქონიებს ჩრდილოეთ კორეის ბირთვულ ამბიციებზე.

ამერიკის შეერთებული შტატები კი დარწმუნებულია, რომ ფხენიანი ზამთრის ოლიმპიურ თამაშებს პროპაგანდისტული მიზნებისთვის იყენებს, სწორედ ამიტომ დონალდ ტრამპი ოლიმპიადის გახსნის ცერემონიაზე ფიონგჩანგში ვიცე-პრეზიდენტ მაიკ პენსს გზავნის, რათა ის ფხენიანის პროპაგანადას წინ აღუდგეს.

ჩრდილოეთ კორეიოს დელეგაციას უმაღლესი სახალხო კრების პრეზიდიუმის თავჯდომარე კიმ იონ ნამი უხელმძღვანელებს, სწორედი მისი თანმხლები პირი იქნება კიმ ჩენ ინის და, კიმ იო ჩენი.