კანადაში ექიმები მათთვის ხელფასის მომატებას აპროტესტებენ. მედიცინის სფეროს 500-ზე მეტმა წარმომადგენელმა, ისევე, როგორც რეზიდენტებმა და დაახლოეით 150-მა სამედიცინო ფაკულტეტის სტუდენტმა პროტესტის ნიშნად, საჯარო წერილიც გამოაქვეყნეს.

"ჩვენ, კვებეკელი ექიმები, რომლებსაც ძლიერი საჯარო სისტემის გვჯერა, წინააღმდეგები ვართ ბოლო პერიოდში ხელფასის ზრდის"- ნათქვამია წერილში.

ექიმების განცხადებით, მომატებული ხელფასის მიღებით, ისინი შეურაცხყოფენ ექთნებსა და პაციენტებს, რომლებსაც მძიმე პირიბების ატანა უწევთ.

"ექიმებისთვის ხელფასის მატება შოკისმომგვრელია მაშინ, როდესაც ექთნები და სხვა პროფესიონალები მძიმე სამუშაო პირობებში არიან, პაციენტები კი შესაბამისი სერვისების მიღებაში შეზღუდულები არიან, რადგან მკურნალობის ხარჯების დაფარვა არ შეუძლიათ. ეს კი უკანასკნელ წლებში სახელმწიფო ჯანდაცვის სისტემების ხარჯები შემცირებითაა გამოწვეული"- ნათვქამია წერილში.

213 ზოგადი პრაქტიკოსს, 184 სპეციალისტს, 149 რეზიდენტს და 162 სტუდენტს სურს, მათი გაზრდილი ხელფასი სახელმწიფო ფონდში დაბრუნდეს.