“დემოკრატებმა“ ჯო ბაიდენი საპრეზიდენტო კანდიდატად ოფიციალურად წარადგინეს, - ამის შესახებ ინფორმაციას „როიტერსი“ ავრცელებს.

სააგენტოს ცნობით, „დემოკრატიული პარტიის“ 4-დღიანი ყრილობის ფარგლებში, რომელიც, კორონავირუსის პანდემიის გამო ვირტუალურ რეჟიმში იმართება, ქვეყნის სხვადასხვა ადგილში მყოფმა დელეგატებმა ბაიდენის კანდიდატად წარდგენას კენჭი დისტანციურად უყარეს.

„ძალიან, ძალიან დიდ მადლობას გიხდით ჩემი გულის სიღრმიდან. ეს მხარდაჭერა ჩემთვის და ჩემი ოჯახისთვის მთელს სამყაროს ნიშნავს,“- აღნიშნა ჯო ბაიდენმა. შეგახსენებთ, აშშ-ში საპრეზიდენტო არჩევნები 3 ნოემბერს გაიმართება.