საფრანგეთის პრეზიდენტი ემანუელ მაკრონი ავსტრიის დედაქალაქ ვენაში მომხდარ თავდასხმას სოციალურ ქსელ „ტვიტერის“ მეშვებით ეხმაურება.

„ჩვენ, ფრანგები, ვიზიარებთ ავსტრიელების შოკსა და მწუხარებას მას შემდეგ, რაც ვენაში თავდასხმა განხორციელდა. საფრანგეთის შემდეგ თავდასხმის სამიზნე კიდევ ერთი მეგობრული ქვეყანა გახდა. ეს ჩვენი ევროპაა. ჩვენმა მტრებმა უნდა იცოდნენ, ვისთან აქვთ საქმე. არაფერს დავთმობთ“, - განაცხადა ემანუელ მაკრონმა.

ამ დროისთვის ვენის ცენტრში მასშტაბური სპეცოპერაცია მიმდინარეობს. პოლიცია მოსახლეობას მოუწოდებს, თავი შეიკავონ მიმდებარე ქუჩებზე გადაადგილებისა და საზოგადოებრივი ტრანსპორტით მგზავრობისგან.