ნიდერლანდების სამეფოში, მთელი ქვეყნის მასშტაბით, ძლიერი ყინვის გამო, ტბები და არხები გაიყინა. ყოველივემ კი ადგილობრივ მოსახლეობას გარეთ სასრიალოდ გასვლისკენ უბიძგა.

მიუხედავად კორონავირუსის გამო დაწესებული შეზღუდვებისა, ადგილობრივებმა შესაძლებლობა გამოიყენეს და სასრიალოდ ქუჩებში გავიდნენ.

"ეს შესანიშნავია შანსია, რომ გარეთ გავიდეთ და ცოტა გავერთოთ მაშინ, როცა ყველაფერი დაკეტილია“, - ამბობს სააგენტო Reuters-თან ამსტერდამის ქუჩებში სასრიალოდ გამოსული ერთ-ერთი ადგილობრივი.

ოფიციალური პირები მოუწოდებენ საზოგადოებას, რომ სახლებს დაუბრუნდნენ, რათა თავიდან აირიდონ ხალხმრავლობა და კორონავირუსის კიდევ უფრო გავრცელება. მიუხედავად ყველაფრისა, პრინსენგრახტის არხი სავსეა მოციგურავეებით.

ადგილობრივი მედიის ცნობით, 2018 წლის შემდეგ ეს არის პირველი შემთხვევა, როდესაც არხები და ტბები ისე გაიყინა, რომ იქ სრიალია შესაძლებელი.