ქმართან დაშორების 1 წლის თავზე, ბრიტნი სპირსი "საკუთარ თავზე" დაქორწინდა - რას წერს პოპვარსკვლავი?
ბრიტნი სპირსმა ფანები ახალი პოსტით გააოცა, რომელშიც აცხადებს, რომ "დაქორწინდა”. სემ ასგარისთან მისი განქორწინებიდან ერთი წელის შემდეგ, 42 წლის პოპ სუპერვარსკვლავმა კვირას Instagram-ზე გამოაქვეყნა ვიდეო, რომელშიც ის თეთრი აბრეშუმის საქორწილო კაბასა და მაქმანის ფატაშია გამოწყობილი.
თუმცა, საქმროს გამოჩენის ნაცვლად, Toxic-ის შემსრულებელმა ფანებს განუცხადა, რომ საკუთარ თავზე დაქორწინდა.
"დღე, როდესაც საკუთარ თავზე დავქორწინდი... შეიძლება, სასირცხვილოდ ან სულელურად ჩანდეს, მაგრამ ვფიქრობ, ეს ყველაზე ბრწყინვალე რამაა, რაც ოდესმე გამიკეთებია!!!" - დააწერა მან პოსტს.