5 მეგა პროექტი, რომელმაც 2025 წელს ქალაქები სრულიად უნდა შეცვალოს
2024 წლის მარტში, არქიტექტურის ინდუსტრიის ყველაზე პრესტიჟული ჯილდო - პრიცკერის პრიზი, იაპონელ პიონერ რიკენ იამამოტოს გადაეცა, ხოლო მოგვიანებით მსოფლიო არქიტექტურის ფესტივალზე ავსტრალიის გარეუბნის პატარა სკოლა საუკეთესო ახალ შენობად დასახელდა.
2025 წელს რამდენიმე ქვეყანაში გრანდიოზული ინფრასტრუქტურული პროექტებისა და საინჟინრო შედევრების გახსნა იგეგმება, რომლებიც ქალაქებს ძირეულად შეცვლის.
წარმოგიდგენთ 2025 წლის 5 მეგა პროექტს:
სიდნეის თევზის ახალი ბაზარი - სიდნეი
სიდნეის თევზის ახალი ბაზარი 2025 წელს გაიხსნება.
ერთსართულიანი შენობა 3,6 ჰექტარზე იქნება განთავსებული. დიზაინი შექმნილია 3XN Architects-ისა და ავსტრალიური ფირმის BVN-ის მიერ (რომელიც ვიზიტორებს ჰპირდება "მრავალსენსორული თევზის ბაზრის გამოცდილებას").
ლოჯისტიკა და ოპერაციები სარდაფში განთავსდება, ხოლო ზედა სართულებზე განთავსებულია ბაზრის დარბაზი და აუქციონის ოთახი.
პროექტი ასევე ხელს შეუწყობს ნავსადგურის სამრეწველო ნაწილის გააქტიურებას. ბაზარში ასევე იქნება მაღაზიები, რესტორნები და ქალაქის პარკი.
Life and Mind Building, ოქსფორდი
Life and Mind Building არის ყველაზე დიდი სამშენებლო პროექტი ოქსფორდის უნივერსიტეტის ისტორიაში.
გაერთიანებული სამეფოს ოქსფორდის უნივერსიტეტი შესაძლოა, მჭიდროდ იყოს დაკავშირებული დიდებულ გოთურ არქიტექტურასთან.
ახალი 270,000 კვადრატული ფუტის შენობა მეცნიერების ახალი ქალაქი იქნება. ეს არის ყველაზე დიდი სამშენებლო პროექტი, რომელიც დაწესებულების მრავალსაუკუნოვან ისტორიაში განხორციელებულა.
ერთი სახურავის ქვეშ გაერთიანდება ექსპერიმენტული ფსიქოლოგიის, მცენარეთა მეცნიერებებისა და ზოოლოგიის განყოფილებები.
ლაბორატორიული სივრცეები აკმაყოფილებს სხვადასხვა დისციპლინის საჭიროებებს, ხოლო საჯარო მოედანი უფრო არაფორმალური ურთიერთობის შესაძლებლობას იძლევა.
კანადური სკოლა, ჩოლულაში (მექსიკა)
ორგანული არქიტექტურა, რომელიც ლანდშაფტს ერწყმის, ბოლო დროს პოპულარული ხდება. თუმცა ვერაფერი შეედრება მექსიკაში შექმნილ კანადურ სკოლას.
წყნარი კამპუსი რეგიონის ტოპოგრაფიას არის შერწყმული.
სკოლა განლაგებულია შვიდი წრიული სტრუქტურის ირგვლივ, რომლებიც იღებენ გადახურული ბორცვების ფორმას, მათი ტერასული ზედაპირები უზრუნველყოფს მწვანე სივრცეებს სტუდენტებისთვის.
მექსიკელმა არქიტექტორმა ფერნანდო სორდო მადალენომ განაცხადა, რომ შენობა არა მხოლოდ შერწყმულია ბუნებას, არამედ "თვითონ სათამაშო მოედნის ნაწილი ხდება". იხილეთ სრულად