შერიგებისა და სამოქალაქო თანასწორობის მინისტრ პაატა ზაქარეიშვილის განცხადებით, პარტიული საქმიანობის დატოვებისა და მინისტრად დარჩენის თაობაზე მის მიმართ პრემიერისგან შეთავაზება არ ყოფილა .

"არ ყოფილა ასე, წინაასაარჩევნო კამპანიაზე იყო მხოლოდ საუბარი", - განუცხადა ზაქარეიშვილმა ჟურნალისტებს შესაბამისი კითხვის საპასუხოდ.

განსხვავებული პასუხი აქვს იგივე კითხვაზე თავდაცვის მინისტრ თინა ხიდაშელს.

"მე ვფიქრობ, გიგლას გადაწყვეტილება მინისტრად დარჩენის და პარტიიდან წასვლის შესახებ თქვენს კითხვაზე პასუხს სცემს", - განუცხადა თინა ხიდაშელმა ჟურნალისტებს.

მისივე ინფორმაციით, "რესპუბლიკურმა პარტიამ" კოალიციური სამთავრობო ვალდებულებების არჩევნებამდე შესრულებაზე საბოლოოდ უარი გუშინ მიიღო.

"მე არ ვიცი, ვინ როდის რა გადაწყვეტილება მიიღო, მაგრამ ჩვენ გუშინ ამაზე უარი მივიღეთ. გუშინ იყო ის ბოლო შეხვედრა, როდესაც ეს პროცესი დასრულდა", - დასძინა თინა ხიდაშელმა.