"პატიორთა ალიანსი" პალამენტში შედის. ცესკოს ბოლო მონაცემების მიხედვით, ბლოკმა 5%იანი ბარიერი გადალახა. რას მოუტანს ალიანსი პარლამენტს და საზოგადოებას, ამის შესახებ აზრთა სხვადასხვაობაა.

"შესაძლოა საპარლამენტო შაბლონები დაამსხვიოს "პატიორტთა ალიანსმა""- აცხადებს ექსპერტი რამას საყვარელიძე. მისი განმარტებით, პოზიტიური ცვლილებები მოჰყვება ბლოკის პარლამენტში შესვლას, თუმცა, საპარლამენტო გამოცდილების ნაკლებობის გამო შესაძლოა, "პატრიოტთა ალიანსს" შემოქმედებით პროცესებში ჩართვა გაუჭირდეს.

"მეტ აქცენტს გააკეთებენ ეროვნულ, გარემოსა და ძეგლთა დაცვის საკითხებზე, ესეც პოზიტიურია" - აცხადებს ექსპერტი.

"ქართული ოცნების" მიერ ალიანსის შესაძლო გამოყენებაზე საუბრობს თორნიკე შარაშენიძე. მისი თქმით, "კონსტიტუციური უმრავლესობა "ქართულ ოცნებას" ექნება "პატრიოტთა ალიანსთან" ერთად. ისე არა მგონია"

"პატრიოტთა ალიანსი" სახელმწიფოსგან მილიონ ლარს მიიღებს

"მმართველი გუნდი გამოიყენებს "პატრიოტთა ალიანსს" რამდენჯერმე, პარლამენტს დააბრუნებს თბილისში, გააუქმებს საპრეზიდენტო არჩევნებს და 2020 წლის არჩევნებისთვის, კონსტიტუციაში დააფიქსირებს ქორწინებას, როგორც ქალის და კაცის ერთობას. "ქართული ოცნება" მთავრობას დააკომპლექტებს თავისით, მაგრამ როცა დასჭირდება საკონსტიტუციო უმრავლესობა, რა თქმა უნდა, გამოიყენებს პატრიოტთა ალიანსს",- აცხადებს შარაშენიძე.

საზოგადოებრივი კომუნიკაციების მართვის სპეციალისტი, არჩილ გამზარდია არ გამორიცხავს, რომ "პატრიოტთა ალიანსი" მმართველი გუნდის მკვეთრ მოწინააღმდეგედ მოგვევლინოს. თუმცა, მისივე თქმით, "ნაციონალური მოძრაობის" წინააღმდეგ გარკვეულ შემთხვევებში პრაგმატულ საერთო გადაკვეთებსაც უნდა ველოდოთ.

"ძალიან რთულია ისაუბრო 6 კაციან ფრაქციაზე, რა რეალურ შედეგს შეიძლება მიაღწიოს პოლიტიკურმა ძალამ. ჩვენ ამ ჯგუფის მუშაობა პარლამენტში არ ვიცით, შესაძლოა, საინტერესო საკანონმდებლო ინიციატივებიც ჰქონდეთ. მათ ჰქონდათ თემები, მსხვილი და წვრილი მეწარმეების შესახებ, რომლის კანონპროექტებზეც უნდა დაიწყოს მუშაობა.

როგორ დაგვამახსოვრა თავი ირმა ინაშვილმა

ამასთან, შეიძლება "პატრიოტთა ალიანსი" საკმაოდ მკვეთრი მოწინააღმდეგე გახდეს "ქართული ოცნების", ეს არ უნდა გაგვიკვირდეს იმიტომ, რომ მათთვის პარლამენტი უკვე სხვა ლანდშაფტია. ისინი თუ პოლიტიკურ განვითარებაზე იზრუნებენ, დამიჯერეთ, "პატიოტთა ალიანსი არ იქნება ოცნების სატელიტი" – რადიო "პალიტრასთან" საუბარში განაცხადა გამზარდიამ.

"პატრიოტთა ალიანსმა" საკანონმდებლო ორგანოში 6 მანდატი მოიპოვა. ბლოკის სიაში 3 ქალი და 3 მამაკაცია. ირმა ინაშვილის შემდეგ, პარლამენტის ყოფილი წევრი, "ომეგა ჯგუფისა" და ტელეკომპანია "იბერიას" მფლობელის, ზაზა ოქრუაშვილის მეუღლე ნატო ჩხეიძეა. მესამე ნომრად ყოფილი პარლამენტარი ადა მარშანია, მეოთხე ნომრად გიორგი ლომია, ბიზნესმენი. მეხუთე მანდატის მფლობელი გელა მიქაძეა, ხოლო, მეექვსე ნომერი - კოდორის ხეობაში პრეზიდენტის ყოფილი რწმუნებული, ემზარ კვიციანია.

ირმა ინაშვილი საგარეჯოში დამარცხდა

ნარიტა ჩხაიძე