7–9 ნოემბერს როგორც აღმოსავლეთ, ისე დასავლეთ საქართველოში არამდგრადი ამინდია მოსალოდნელი, – ამის შესახებ Allnews.ge-ს გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა.

სინოპტიკოსის თქმით, 7 ნოემბერს წვიმა როგორც აღმოსავლეთ, ისე დასავლეთ საქართველოშია მოსალოდნელი, – "ხვალ დღისით, დასავლეთ საქართველოში დაფიქსირდება 17–22 გრადუსი სითბო, აღმოსავლეთ საქართველოში ზოგან მოსალოდნელია წვიმა და ჰაერი 17–22 გრადუსამდე გათბება. რაც შეეხება თბილისს, ხვალ მოსალოდნელია მცირე წვიმა და ტემპერატურა 20 გრადუსამდე სითბო", – განმარტავს სვეტლანა ნიორაძე.

საქართველოს მასშტაბით წვიმა მოსალოდნელია 8 ნოემბერსაც, –"დასავლეთ საქართველოში 15–20 გრადუსი სითბო, აღმოსავლეთ საქართველოში კი 13–18 გრადუსი დაფიქსირდება. არამდგრადი ამინდი 9 ოქტომბრის ჩათვლის შენარჩუნდება. დასავლეთ საქართველოში მოსალოდნელია ისევ 15–20 გრადუსი სითბო, აღმოსავლეთ საქართველოში კი ტემპერატურა 11–16–მდე დაიკლებს. 9 ნოემბერს წვიმა აღმოსავლეთ საქართველოს თითქმის ყველა რეგიონშია მოსალოდნელი,“ – აღნიშნავს სინოპტიკოსი.

გარემოს ეროვნული სააგენტოს ინფორმაციით, 10 ნოემბრიდან საქართველოს მთელ ტერიტორიაზე გამოიდარებს.