2018 წლის საქართველოს საპრეზიდენტო არჩევნებამდე 4 დღეა დარჩენილი. მოსახლეობის ნაწილს ჯერ გადაწყვეტილი არ აქვს, თუ ვის მისცემს ხმას. ზოგჯერ რთულია, გამოკვეთილად რომელიმე კანდიდატი მოგწონდეს. ეს პრობლემა ხშირად სხვა ქვეყნებშიც არის.

ერთ-ერთი ამერიკული ორგანიზაცია AARP გვთავაზობს რჩევებს, რომლებიც დაგვეხმარება ჩამოყალიბებაში, თუ რომელ კანდიდატს დავუჭიროთ მხარი არჩევნებზე. Allnews.ge შეეცადა ქართული რეალობისთვის მოერგო აღნიშნული რჩევები. გთავაზობთ მათ:

1. დაათვალიერეთ კანდიდატების ოფიციალური ვებგვერდები - ნახეთ, რას წერენ, რას აქცევენ ყურადღებას ისინი;

2. თუ კანდიდატი ყოფილი პარლამენტარია, გაეცანით მის აქტივობას საკანონმდებლო ორგანოში, რა საკითხებზე მუშაობდა იგი და რას უჭერდა მხარს;

3. დაესწარით წინასაარჩევნო კამპანიის ფარგლებში გამართულ შეხვედრებს, მათ შორის, არაფორმალურ შეხვედრებს, ნახეთ, როგორ ურთიერთობს იგი ადამიანებთან;

4. დარეკეთ კანდიდატის ოფისში და ითხოვეთ, გაგასაუბრონ თავად კანდიდატს ან მის წარმომადგენელს. გააცანით თქვენი პრობლემა და დააკვირდით, რამდენად სწრაფად გაგცემენ პასუხს და იმოქმედებენ თქვენი პრობლემის მოგვარებისთვის;

5. შეამოწმეთ კანდიდატის პასუხები თქვენთვის მნიშვნელოვან საკითხებზე;

6. და რაც მთავარია, ყურადღებით გაეცანით კანდიდატის საარჩევნო პროგრამებს.

თვისებები და უნარები, რომელსაც საქართველოს მომავალი პრეზიდენტი უნდა ფლობდეს:

წელს, საპრეზიდენტო არჩევნებში 25 კანდიდატი მიიღებს მონაწილეობას, მათგან 19 წარდგენილია პოლიტიკური პარტიის, ხოლო 6 - საინიციატივო ჯგუფის მიერ.