ლენინგორის (ახალგორის) რაიონულმა სასამართლომ საზოგადოებრივი აქტივისტი თამარ მეარაყიშვილი ყველა პუნქტში, რომელიც მას წაყენებული ჰქონდა, გაამართლა. ამის შესახებ „ეხო კავკაზა“ წერს.

მას ბრალად ედებოდა ცილისწამება პარტია „ერთიანი ოსეთის“ მიმართ, ასევე თვითგამოცხადებული „სამხრეთ ოსეთის“ რესპუბლიკის მოქალაქეობის უკანონო მიღება ყალბი დოკუმენტის საფუძველზე. სასამართლომ მოუხსნა აგრეთვე ყველა შეზღუდვა გადაადგილებაზე. როგორც ცნობილია, 2017 წლის აგვისტოდან მას არ ჰქონდა „სამხრეთ ოსეთის“ დატოვების უფლება.

მისი ადვოკატის იკრამჟან რამატოვის განცხადებით, სამართალმა იზეიმა. „სასამართლომ თქვა, რომ თამარ მეარაყიშვილს დანაშაული არ ჩაუდენია“, - განაცხადა რამატოვმა.