მეცნიერებმა პლასტმასის მჭამელი ბაქტერია აღმოაჩინეს. "სიენენის" ცნობით, იაპონიაში აღმოჩენილი ბაქტერია ანადგურებს პლასტმასს და პოლიეთილენს, რომელიც მსოფლიოს თითქმის ყველა ქვეყანაში სხვადასხვა პროდუქციის შესაფუთად აქტიურად გამოიყენება.

ახალი ბაქტერიის აღმოჩენამ შესაძლოა, მსოფლიოში გარემოს დაბიძნურების პრობლემის მოგვარებას ხელი შეუწყოს, ვინაიდან პოლიეთილენის ნარჩენების თითქმის მესამედი ნაგავსაყრელებიდან თავს აღწევს და ბუნებაში რჩება.

მსოფლიოს ეკონომიკური ფორუმის ანგარიშის მიხედვით, ანალიტიკოსების 20 კვლევასა და 180 ექსპერტის ინტერვიუში აღნიშნულია, რომ პოლიეთილენის პარკების მხოლოდ 14 პროცენტის განადგურება და გადამუშავება ხდება. ეს კი სერიოზულ პრობლემებს უქმნის ეკოსისტემას.

ამასთან, მსოფლიოს ეკონომიკური ფორუმის ანგარიშის მიხედვით, 2050 წლისთვის ოკეანეებში უფრო მეტი პოლიეთილენის ნარჩენი იქნება, ვიდრე თევზი, თუ ამ პრობლემას მთავრობებმა დროულად არ მიხედა.

აღსანიშნავია, რომ ყოველწლიურად ოკეანეებში დაახლოებით 8 მილიონი ტონა პოლიეთილენის პარკი ჩადის, რაც იმას ნიშნავს, რომ ყოველ წუთში ეკოსისტემაში ერთი სატვირთო მანქანით სავსე პოლიეთილენი ხვდება. ანალიტიკოსების პროგნოზით, 2030 წლისთვის ეს მოცულობა 2-ჯერ გაიზრდება, 2050 წლისთვის კი 4-ჯერ. შედეგად დაახლოებით 35 წელიწადში ოკეანეებში უფრო მეტი პოლიეთილენის პარკი იქნება, ვიდრე თევზი.

მომზადებულია CNN-ის მიხედვით