ერთ ვაკანტურ პოზიციაზე ხშირად ათობით ადამიანის განაცხადი მოდის. CareerBuilder.com-ის კვლევის მიხედვით, დამსაქმებელს უმეტეს შემთხვევაში უწევს დიდი რაოდენობით განაცხადების გადახედვა და საუკეთესოების ამორჩევა. ამიტომაც მათ შემუშავებული აქვთ მეთოდი, რომლის მიხედვითაც დაახლოებით 6 წამში არჩევენ განაცხადს. მათ აქვთ CV-ების გადარჩევის სწრაფი მეთოდი შემუშავებული.

"ბიზნეს ინსაიდერი" გვთავაზობს იმ დეტალებს, რაც არასოდეს არ უნდა დაურთოთ CV-ს, რათა განაცხადების სწრაფად გადარჩევის დროს დამსაქმებელმა თქვენი CV დაიტოვოს.

შეუსაბამო სამუშაო გამოცდილება. შესაძლოა თქვენ იყოთ "მილქშეიქების მეფე", მაგრამ განაცხადი შეგაქვთ განსხვავებულ პოზიციაზე. ამიტომაც თქვენი ეს გამოცდილება არ უნდა მიუთითოთ რეზიუმეში. სპეციალისტები გვირჩევენ СV-ში მხოლოდ ის გამოცდილება მივუთითოთ, რომელიც იმ პოზიციის შესაფერისია, რაზეც განაცხადი შეგვაქვს.

პირადი ინფორმაცია, ისეთი როგორიცაა ოჯახური მდგომარეობა, რელიგია და ა.შ.

თქვენი ჰობი. არავის აინტერესებს თქვენი ჰობი. თუ თქვენი საყვარელი საქმიანობა არანაირად არ უკავშირდება პოზიციას, მაშინ დრო არ დაკარგოთ მისი დაწერით.

არასოდეს მოიტყუოთ. CareerBuilder.com-მა 2000 დამქირავებელი მენეჯერი გამოკითხა და სთხოვა მათ გაეხსენებინათ ყველაზე დასამახსოვრებენლი შეცდომები. გამოკითხულთა თქმით, ერთ-ერთმა კანდიდატმა მოიტყუა რომ იგი იმ კომპანიის აღმასრულებელი დირექტორი იყო წარსულში, სადაც განაცხადს აკეთებდა. კიდევ ერთმა კანდიდატმა მოიტყუა რომ ნობელის პრიზის მფლობელი იყო. კიდევ ერთმა კი მოიტყუა რომ ის კოლეჯი დაამთავრა, რომელიც საერთოდ არ არსებობს.

არ მიუთითოთ ასაკი, თუ გსურთ რომ არ მოხდეს თქვენი დისკრიმინაცია ასაკის გამო.

არ მიუთითოთ ბევრი ტექსტი. სპეციალისტები გვირჩერვენ, რომ რაც შეიძლება მოკლედ დავწეროთ რეზიუმე.

არ გამოიყენოთ ნაცვალსახელები. მე, ის, ჩემი და ა.შ.

დააკვირდით თქვენი ელექტრონული შეტყობინების მისამართს. არ მიუთითოთ ისეთი მისამართები, როგორიცაა BeerLover123@gmail.com ან CuteChick4life@yahoo.com. თუ არ გაქვთ სერიოზული ელექტონული შეტყობინების მისამართი, დროა შექმნათ. და სასურველია იგი შედგებოდეს სახელისა და გვარისგან ან ინიციალებისგან.

არ მიუთითოთ სოციალური მედიის (მაგალითად, "პინტერესტის", "ინსტაგრამის", ბლოგის და ა.შ) მისამართები, თუ ამას პოზიცია არ მოითხოვს.

არ დაწეროთ რეზიუმე უცნაური შრიფტით. აჯობებს იყოთ უფრო აკადემიური.

არ მიუთითოთ წინა სამსახურების დატოვების მიზეზები.

არ დაურთოთ რეზიუმეს მიზეზები, რის გამოც ამა თუ იმ პოზიციაზე აკეთებთ განაცხადს. ეს სამოტივაციო წერილის ნაწილია.

არ დაწეროთ ისეთი სამუშაო გამოცდილება, სადაც ძალიან მოკლე პერიოდში მუშაობდით.

არ არის საჭირო მიუთითოთ ანაზღაურება, რომელსაც ყოფილ სამსახურებში იღებდით.

არ დაურთოთ რეკომენდაციები რეზიუმეს. თუ დამსაქმებელი ითხოვს რეკომენდაციას, იგი ამას თავად გეტყვით გასაუბრების დროს.