თბილისის დროით 6 აგვისტოს, შუაღამისას, რიო დე ჟანეიროში ზაფხულის XXXI ოლიმპიური თამაშები ოფიციალურად გაიხსნა. სტადიონ "მარაკანაზე" გამართულ თამაშების გახსნის ცერემონალზე ოლიმპიური ცეცხლი ბრაზილიელმა მარათონელმა ვანდერლეი კარდეირუმ აანთო.

ოლიმპიურ თამაშებზე დასასწრებად, გიორგი მარგველაშვილისა და პირველი ლედის გარდა, საქართველოდან უამრავი ადამიანი ჩავიდა.

თუმცა, სპორტულ სანახაობებზე დასწრების გარდა, საინტერესო, ადგილობრივ სამზარეულოსაც გავეცნოთ. გთავაზობთ რამდენიმე კერძსა თუ პროდუქტს, რომელიც ბრაზილიაში ყოფნის დროს აუცილებლად უნდა დააგემოვნოთ.

"პასტელი" თხელი, შემწვარი ცომია, რომელიც ხორცისა და ხილის ჩათვლით, ნებისმიერი რაოდენობის ინგრედიენტს შეიძლება შეიცავდეს. როგორც წესი, იგი ქუჩებში ან ფესტივალებზე იყიდება.

"ჟაბუტიკაბა" შავი ფერის ხილია, რომელიც ერთი შეხედვით, ყურძენსა და "ჩერის" პომიდორს მოგაგონებთ.

"ბოლო სალგადო" თინუსით ან ქათმით მომზადებული, ქონდრის ნამცხვარია, რომლის ინგრედიენტებიც მაიონეზი, ბრაზილიური თხილი და თეთრი პურია.

"ფეიჟოადა" პორტუგალიური შავი მოთუშული ლობიოა.

იგი შებოლილ ღორის ხორცთან, თეთრ ბრინჯთან და მოთუშულ მწვანილთან ერთად მზადდება.

"მანიოკის ფქვილი" ამაზონის ჯუნგლებში არსებული მცენარის, "კასავას" დაფქვილი ბოლქვებისგან მზადდება.

მისგან ბრაზილიელები ბლინებს აცხობენ.

ხილი, რომელიც აფრიკაში, კარიბის ზღვის სანაპიროსა და სამხრეთ ამერიკაში იზრდება, რამდენიმე სხვადასხვა სახელითაა ცნობილია: ჩერიმოა, გუანაბანა და ბრაზილიურად პაუ პაუ.