ხუთმა ძუ ლომმა, რომლებიც ბოტსვანაში, მორემის ეროვნულ პარკში ბინადრობენ, ფაფარის გაზრდა და მამალი ლომისთვის დამახასიათებელი ქცევის განხორციელება დაიწყო. ამის შესახებ სასექსის უნივერსიტეტის მეცნიერთა ჯგუფის სტატიაშია ნათქვამი, რომელიც ჟურნალ African Journal of Ecology-ში გამოქვეყნდა.

დაკვირვებამ აჩვენა, რომ დედალმა ლომებმა ხმამაღლა ღრიალი და სხვა ძუ ლომებთან შეწყვილებაც სცადეს. ცნობილია, რომ ერთმა უკვე მოკლა ორი ნაშიერი - ასეთი ქცევა მხოლოდ მამალი ლომებისთვისაა დამახასიათებელი.

მეცნიერებმა ამ "მასკულინიზირებული" ძუ ლომების შესწავლა ჯერ კიდევ 2014 წელს დაიწყეს. თუმცა, დაკვირვების შედეგები ახლა პირველად გაასაჯაროეს. მათ დეტალურად შეისწავლეს ძუ ლომის, SaF05-ის ქცევა. "როდესაც მეზობელმა პრაიდმა SaF05-ს ზებრა მოსტაცა, მან ის დაიბრუნა და ორი ნაშიერი მოკლა", - განაცხადა დაკვირვების ავტორმა.

თუკი სხვა ფაფარიანი ძუ ლომები მამალ ლომებთან შეწყვილებას ცდილობენ, SaF05 ორივე სქესის წარმომადგენლებს ირჩევს.

მეცნიერთა აზრით, ეს ყველაფერი შეიძლება ძუ ლომების სისხლში ტესტოტერონის გადაჭარბებულ შემცვლელობას უკავშირდებოდეს. შესაძლოა, ჰორმონალური დარღვევა ჯერ კიდევ გაჩენამდე მომხდარიყო.

ცნობილია, რომ 8 წლის მანძილზე SaF05-ს ჯერ არცერთხელ არ ჰყოლია ბოკვრები.

წყარო: newscientist.com